سوڭعى مالىمەتتەر بويىنشا، الەمدە 94،2 مىڭ ادام كوروناۆيرۋستى جۇقتىرعان. قايتىس بولعاندار سانى 3214 ادامدى قۇرايدى. ال اۋرۋدان ايىعىپ، قالپىنا كەلگەن ناۋقاستار سانى 51 مىڭنان استى.  

• ينفەكسيانى جۇقتىرۋ جاعىنان جۇڭگو الدىدا كەلەدى، - 80،2 مىڭ ادام. (كۇنىنە 119 جاڭا جاعداي تىركەلگەن).
• ەكىنشى ورىندا - وڭتۇستىك كورەيا - 5،6 مىڭ ادام (435 جاڭا ءىس تىركەلگەن).
• يران ۆيرۋستى جۇقتىرۋ جاعىنان تورتىنشىدەن ءۇشىنشى ورىنعا كوتەرىلدى. وندا ۆيرۋس جۇقتىرعان ناۋقاستار سانى 1،5-تەن 2،9 مىڭ ادامعا دەيىن ءوستى.
• ءتورتىنشى ورىندا، يتاليا - 2،5 مىڭ ۆيرۋس جۇقتىرعان.

جاپونيادا ءبىر تاۋلىك ىشىندە كوروناۆيرۋس جۇقتىرعان ادامداردىڭ سانى 1000-نان استقان.

تاڭەرتەڭ كوروناۆيرۋستىڭ تاعى 8 ەلگە ەنگەنى بەلگىلى بولدى. ولار: پورتۋگاليا، ساۋد ارابياسى، تۋنيس، ماروككو، لاتۆيا، اندوررا، يوردانيا جانە سەنەگال.

ساۋد ارابياسى ۆيرۋستىڭ ەل ىشىندە تاراماۋىن توقتاتۋ ءۇشىن، الدىن-الا شارالار قولداندى. ياعني ولار كورشىلەس ەلدەردىڭ ازاماتتارى ءۇشىن ۆيزا بەرۋدى شەكتەدى.