كوروناۆيرۋس جۇقپاسىنىڭ الدىن الۋ ءۇشىن، ساقتىق شاراسىنا بايلانىستى الماتى قالاسىنىڭ ءتۇرلى مەديسينالىق نىساندارىندا 490 ادام كارانتيندە جاتىر. بۇل تۋرالى الماتى قالاسىنىڭ اكىمدىگى حابارلادى. 

ينفەكسيانى جۇقتىرعاندار الماتى قالاسىنىڭ 2 اۋرۋحاناسىنا وقشاۋلانعان. 1 «ا» ساناتى بويىنشا كارانتينگە جاتقىزىلعان ادامدار كوروناۆيرۋس جاپپاي تارالعان يران، قحر، وڭتۇستىك كورەيا جانە يتاليا ەلدەرىنەن كەلگەندەر.

14 كۇنگە وقشاۋلانعان ادامداردان ءقاۋىپتى ۆيرۋستىڭ بەلگىسى انىقتالماعان. قوعامدىق دەنساۋلىقتى ساقتاۋ باسقارماسىنىڭ حابارلاۋىنشا، 1 ساناتتاعى ەلدەردەن كەلگەن تۇلعالارعا  2 جۇقپالى اۋرۋلار اۋرۋحاناسى مەن كوپسالالى 4 مەديسينالىق ورتالىقتا توسەك-ورىن قاراستىرىلعان.

باسقارمانىڭ حابارلاۋىنشا، قازىرگى ۋاقىتتا اۋرۋحاناعا كەلۋشىلەردىڭ سانى كۇرت كوبەيگەن. 14 كۇندىك كارانتيننەن بولەك، الماتىعا ۇلىبريتانيا، نيدەرلاندى ەلدەرىنەن كەلگەن تۇلعالار 2-سانات بويىنشا مەديسينا قىزمەتكەرلەرىنىڭ باقىلاۋىنا الىنعان.

شەتەلدەن كەلگەن ازاماتتار 10 كۇن دارىگەرلەرمەن بايلانىستا بولىپ، جاعدايدى حابارلاپ وتىرۋلارى ءتيىس.

– بارلىق كەلۋشى ازاماتتار وسى جاعدايعا بىردەي قاراپ، كارانتين مەرزىمىن ۇستاۋعا ءتيىس، ونى بۇزعانى ءۇشىن اكىمشىلىك ايىپپۇل سالىنادى. مەديسينا قىزمەتكەرلەرى بۇل ادامداردى تاپپاعان جاعدايدا، كوشى-قون قىزمەتىنە، شەتەل ازاماتتارىن تاپپاعان جاعدايدا ۇقك-گە قوسىمشا حابارلايدى، – دەدى الماتى قالاسىنىڭ اكىمدىگى.

اكىمدىك ىندەتتەن ساقتانۋ تەك دارىگەرلەرگە عانا ەمەس، تۇرعىنداردىڭ تىكەلەي وزدەرىنە دە بايلانىستى دەپ ايتتى. ينفەكسيانىڭ الدىن الۋ  ءۇشىن ماماندار ادامدارعا بەتى-قولىن ءجيى سابىنداپ جۋىپ، قولدى سپيرت انتيسپەتيگىمەن سۇرتۋمەن قاتار، ادام كوپ شوعىرلانعان جەرلەرگە بارماۋ كەرەك ەكەنىن ەسكەرتتى.

سونداي-اق كارانتينگە الىنعان ادامدار ەسكەرتۋدى ەلەمەي، قوناققا بارسا اكىمشىلىك جازاعا تارتىلادى دەپ اتاپ ءوتتى.