پرەمەر-مينيستردىڭ ورىنباسارى ەرالى توعجانوۆ قازاقستاندا ناۋرىز مەيرامىنا وراي وتكىزىلەتىن ءىس-شارالاردىڭ تىيىم سالىنۋىنا قاتىستى تۇسىنىكتەمە بەردى. 

– ناۋرىز – ءبىزدىڭ ەڭ ۇلكەن مەيرامىمىز. سوندىقتان ازاماتتاردىڭ بارلىعىنا باس قوسپاڭدار دەپ ايتۋ قيىن. سەبەبى قازاق بۇرىننان بەرى بىر-بىرىنە بارىپ، امانداسىپ، قال-جاعدايدى سۇراستىرعان عوي. ءبىراق ءومىردىڭ قاۋىپسىزدىگى – باستى ماسەلە. كوروناۆيرۋس قاۋپىنە بايلانىستى ناۋرىز مەرەكەسى قارساڭىنداعى ۇلكەن تويلارعا، ادامدار كوپ جينالاتىن جەرلەرگە بارۋعا تىيىم سالىنىپ وتىر. دەسە دە ادامداردىڭ بىر-بىرىنە بارىپ، كورىسۋىنە، ءبىر-بىرىن قۇتتىقتاۋىنا ەشقانداي شەكتەۋ قويىلمايدى، – دەدى توعجانوۆ ارنايى باسپا ءسوز ءماسليحاتىندا. 

ونىڭ سوزىنشە، ادامداردىڭ بىر-بىرىنە بارۋىنا تىيىم سالۋ قيىن. ونى ەشكىم قاداعالامايدى.

– ارينە، ءاربىر ادام ءوزىن عانا ويلاماۋى كەرەك. ءاربىر ازامات ءوز جانۇياسىن ويلاۋى كەرەك، اينالاسىنداعى اعايىندارىن ويلاۋى كەرەك. سوندىقتان اعايىندار بىر-بىرىنە بارىپ، قۇتتىقتاپ جاتسا، وندا تۇرعان ەشتەڭە جوق دەپ ويلايمىز. ال بۇرىنعىداي مىڭ ادام جينالاتىن ۇلكەن شارالارعا تىيىم سالىنادى، – دەپ اتاپ كورسەتتى توعجانوۆ.