قازاقستاندا كوروناۆيرۋس ينفەكسياسى بار تاعى ەكى ناۋقاس انىقتالدى. بۇل تۋرالى دەنساۋلىق ساقتاۋ مينيسترلىگىنىڭ وكىلى دياس احمەتشاريپ حابارلادى.
"شۇعىل اقپارات، ءدال ءقازىر بەلگىلى بولعانداي، الماتى قالاسىندا تاعى ءبىر ادام كوروناۆيرۋس ىندەتىن جۇقتىرعانى انىقتالدى. ول – 1958 جىلعى ەر ازامات، جەكە كاسىپكەر. ول ماسكەۋدەن 10 ناۋرىز ۇشىپ كەلگەن. قازىرگى كەزدە ول ازامات ستاسيوناردا كارانتيندە جاتىر"، - دەدى مينيسترلىكتىڭ رەسمي وكىلى دياس احمەتشارىپ.
سونداي-اق نۇر-سۇلتانداعى ايەلدەن كوروناۆيرۋس انىقتالعان. ول ۆارشاۆادان ۇشىپ كەلگەن.
قازاقستاندا كوروناۆيرۋس جۇقتىرعانداردىڭ سانى التاۋ بولدى. بۇعان دەيىن ءۇش الماتىلىقتان، ءبىر استانالىقتان كوروناۆيرۋس انىقتالعان بولاتىن.
