قازىرگى ۋاقىتتا ەل اۋماعىندا 1400-دەن استام ازامات ستاسيونارلىق كارانتيندە، ال 545 ازامات ءۇي كارانتينىندە جاتىر. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
– جالپى ەل بويىنشا قازىرگى تاڭدا 1400-دەن استام ازامات ستاسيونارلىق كارانتيندە، ال 545 ازامات ءۇي كارانتينىندە جاتىر. تاعى باسقا مەملەكەتتەن كەلىپ جاتقان ازاماتتار ءۇش سانات بويىنشا باقىلاۋدا نەمەسە جالپى ەسەپتە تۇرادى. وسى جاعدايعا بايلانىستى قاجەتتى ءىس-شارالار مەملەكەتتىك دەڭگەيدە ۆەدومستۆوارالىق كوميسسيانىڭ شەشىمىمەن قابىلدانۋدا. وزدەرىڭىزگە ءمالىم، جالپى ۇلكەن شارالارعا تىيىم سالىنىپ، ولار توقتاتىلدى. ءقازىر قاجەتتى سانيتارلىق-ەپيدەميولوگيالىق شارالار ەنگىزىلۋدە. ارينە، ءبىزدىڭ نەگىزگى ماقساتىمىز – وسى كوروناۆيرۋس ينفەكسياسىنىڭ تاراتىلۋىن توقتاتۋ. بۇل باعىتتا سانيتارلىق-ەپيدەميولوگيالىق قىزمەت قاجەتتى بارلىق شارانى قابىلداۋدا، – دەدى ەلجان ءبىرتانوۆ
ونىڭ ايتۋىنشا، حالىق كوپ جينالاتىن ورىنداردا ارنايى شارالار كۇشەيتىلگەن. الماتى جانە نۇر-سۇلتان قالالارىندا تىركەلگەن ازاماتتارعا بايلانىستى بارلىق باقىلاۋ شاراسى ەنگىزىلدى.
پىكىر قالدىرۋ