كوروناۆيرۋسقا بايلانىستى قازاقستان ۇكىمەتى ەلدەگى الماتى جانە نۇر-سۇلتان قالالارىندا كارانتين جاريالادى. كارانتين تارتىبىنە ساي، قوس قالانىڭ اۋماعىنا كىرىپ-شىعۋ شەكتەلمەك. ءبىراق كەيبىر ادامدارعا بۇل شەكتەۋدىڭ قاتىسى جوق. بۇل تۋرالى رrimeminister.kz سايتى حابارلادى.
19 ناۋرىز كۇنى ساعات 00.00-دەن باستاپ ەنگىزىلەتىن نۇر-سۇلتان جانە الماتى قالالارىنىڭ اۋماعىنا ادامداردىڭ كىرۋىن-شىعۋىن شەكتەۋ كەلەسى ساناتتاعى تۇلعالار ءۇشىن قولدانىلمايدى:
- بۇعان دەيىن قالادان شىعىپ كەتكەن نۇر-سۇلتان جانە الماتى قالالارىنىڭ تۇرعىندارى قالاعا ورالعان جاعدايدا؛
- بۇعان دەيىن قالاعا كىرگەن باسقا وڭىرلەردىڭ تۇرعىندارى قالادان شىعاتىن بولسا؛
- بۇعان دەيىن شەتەلدەرگە شىعىپ كەتكەن ق ر ازاماتتارى (ولار قازاقستان رەسپۋبليكاسىنا ورالعان جاعدايدا)؛
- بۇعان دەيىن ەلدەن شىعۋ ءۇشىن ق ر اۋماعىنا كىرگەن جانە ەلدەن شىعىپ كەتۋ ماقساتىندا اۋە كولىگىمەن شىعاتىن شەتەلدىكتەرگە؛
- شەتەلدىكتەر (ازاماتتىعى جوق تۇلعالار)، قازاقستان رەسپۋبليكاسىندا تۇرۋعا ىقتيارحاتى بار تۇلعالارعا؛
- بۇعان دەيىن شەتەل مەملەكەتىنىڭ اۋماعىنا شىعىپ كەتكەن ق ر ازاماتتارى قازاقستان رەسپۋبليكاسىنا ورالعان جاعدايدا؛
- ەمدەلۋ ءۇشىن شەتەلگە شىعاتىن ق ر ازاماتتارىنا، ولاردىڭ دەنساۋلىق ساقتاۋ مەكەمەلەرىنىڭ راستاۋشى قۇجاتتارى بولعان جاعدايدا؛
- ەلدىڭ جانە شەتەل مەملەكەتتەرىنىڭ ديپلوماتيالىق قىزمەتىنىڭ پەرسونالى جانە ولاردىڭ وتباسى مۇشەلەرىنە، سونداي-اق قازاقستانعا ق ر سىرتقى ىستەر مينيسترلىگىنىڭ شاقىرۋى بويىنشا باعىت العان شەتەل مەملەكەتتەرىنىڭ جانە حالىقارالىق ۇيىمداردىڭ دەلەگاسيا مۇشەلەرىنە؛
- پويىز جانە لوكوماتيۆ بريگادالارىنىڭ مۇشەلەرىنە، سونداي-اق تەمىرجول تاسىمالى پروسەسىنە قاتىساتىن تۇلعالارعا، اۋە، تەڭىز كولىكتەرىنىڭ ەكيپاجىنا، حالىقارالىق جۇك تاسىمالىن جۇزەگە اسىراتىن جۇك اۆتوكولىگى قۇرالدارىنىڭ جۇرگىزۋشىلەرىنە؛
- قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ سانالاتىن شەتەلدىكتەرگە (تۋىستىق بايلانىس فاكتىسى - ەرى (زايىبى)، ولاردىڭ اتا-انالارى مەن بالالارى ەكەنى راستالعان جاعدايدا)؛
- نۇر-سۇلتان جانە الماتى قالالارىندا جۇمىس ىستەيتىن، قالا ماڭى اۋماقتارىندا تۇراتىن تۇرعىندارعا؛
- اۋە جانە تەمىر جول ءترانزيتى قاتىناسىمەن جۇرگەن قازاقستان رەسپۋبليكاسىنىڭ ازاماتتارىنا؛
- باسقا دا ەرەكشە جاعدايلاردا، مۇنداي جاعدايلار COVID-19-بەن كۇرەسۋ جونىندەگى قالالىق شتابتاردا دەربەس تارتىپتە قارالادى.
پىكىر قالدىرۋ