توتەنشە جاعداي كەزىندە توي جاساعان تۇركىستاندىق جازالاندى، - دەپ حابارلايدى Tengrinews.kz ءتىلشىسى قالالىق پوليسيا دەپارتامەنتىنە سىلتەمە جاساپ.

17 ناۋرىزدا الەۋمەتتىك جەلىلەر مەن مەسسەندجەرلەردە ءۇيىنىڭ اۋلاسىندا بەلگىسىز تۇلعانىڭ ادامداردىڭ باسىن قوسىپ، توي جاساپ جاتقان بەينەجازباسى تارالدى. بۇل دەرەك بويىنشا تۇركىستان قالالىق پوليسيا باسقارماسىنىڭ قىزمەتكەرلەرى شۇعىل ىزدەستىرۋ شارالارىن قابىلدادى. 

پوليسەيلەردىڭ ايتۋىنشا، وقيعا 16 ناۋرىزدا تۇنگى ۋاقىتتا تۇركىستان قالاسىنداعى مولتەك اۋدانداردىڭ بىرىندە بولعان.

"قالالىق پوليسەيلەر توتەنشە جاعداي رەجيمىن بۇزىپ، جيىن وتكىزگەنى ءۇشىن توي يەسىنە قاتىستى ق ر اكىمشىلىك - قۇقىق بۇزۋشىلىق تۋرالى كودەكستىڭ 476-بابى بويىنشا اكىمشىلىك حاتتاما تولتىردى"، دەلىنگەن حابارلامادا.

وسىعان بايلانىستى ۆەدومستۆو وكىلدەرى زاڭعا باعىنۋ كەرەگىن ەسكەرتەدى. توتەنشە جاعداي كەزىندە جيىن، باسقوسۋلاردى ۇيىمداستىرماي، مۇمكىندىگىنشە ساقتىق شارالارىن جاساپ، دەنساۋلىققا ءمان بەرۋ قاجەت ەكەنىن ايتادى.