بۇل تۋرالى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتى دەرەگىنە سۇيەنىپ حابارلايدى.
وبلىس اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەلدىڭ ايتۋىنشا، الماتى وبلىسىندا وتكىر دەرت جۇقتىردى دەلىنگەن ادام مەككەدەن ىستانبۇل ارقىلى ۇشىپ كەلگەن.
«سوڭعى اقپارات بويىنشا، كوروناۆيرۋس تالدىقورعاندا تىركەلدى دەگەن حابارلاما تارالىپ جاتىر. الماتى وبلىسىندا اتالعان ۆيرۋس ءبىر ادامنان انىقتالدى. ءبىراق بۇل جاعداي تالدىقورعاندا ەمەس، قاراساي اۋدانىندا تىركەلدى. ءقازىر 1986 جىلعى ناۋقاس قاسكەلەڭدەگى ينفەكسيالىق اۋرۋحانادا جاتىر. جاعدايى تۇراقتى. ءقازىر ۆيرۋس جۇقتىرعان اداممەن قارىم-قاتىناستا بولعانداردىڭ بارلىعى انىقتالدى. ءتيىستى شارالار اتقارىلۋدا. ال كوروناۆيرۋس جۇقتىرعان ادام بىزدەگى مالىمەت بويىنشا مەككەدەن ىستانبۇل ارقىلى ۇشىپ كەلگەن»، - دەدى وبلىس اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.
پىكىر قالدىرۋ