21 ناۋرىزدا قازاقستاندا كوروناۆيرۋس جۇقتىرعان 53-ادام انىقتالدى. دەنساۋلىق ساقتاۋ مينيسترلىگىنىڭ مالىمەتىنە قارعاندا، ۆيرۋس الماتى قالاسىنىڭ ىرگەسىندەگى، ءبىراق الماتى وبلىسىنا قارايتىن قاراساي اۋدانىنىڭ ازاماتىنىن تابىلعان.

"1986 جىلعى ەر ادام 17 ناۋرىزدا ستامبۋل – بىشكەك رەيسىمەن قىرعىزستانعا ۇشىپ بارعان. ەرتەسىندە كولىكپەن الماتى وبلىسى قاراساي اۋدانىنا كەلگەن. قازىرگى كەزدە ول ستاسيونارلىق كارانتينگە جاتقىزىلعان. جاعدايى ورتاشا" دەدى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ. 

وسىلايشا قازاقستاننىڭ ءتورتىنشى وڭىرىندە كوروناۆيرۋس جۇقتىرعان ادام تىركەلىپ وتىر. بۇعان دەيىن نۇر-سۇلتاندا – 28، الماتىدا – 22، قاراعاندىدا – 2 ادامنان ۆيرۋس تابىلعان. 

قازاقستاندا Covid-19 كوروناۆيرۋسىن جۇقتىرعاندار العاش رەت 13 ناۋرىزدا انىقتالعان. كەيىن، 15 ناۋرىزدا – ۆيرۋس جۇقتىرعاندار سانى سەگىز ادامعا جەتكەندە پرەزيدەنت قاسىم-جومارت توقايەۆتىڭ جارلىعىمەن ەلدە 16 ناۋرىز تاڭعى سەگىزدەن 15 ءساۋىر تاڭعى جەتىگە دەيىن توتەنشە جاعداي جاريالانعان بولاتىن. ال 19 ناۋرىزدان باستاپ ەلدىڭ ەكى ءىرى قالاسى – نۇر-سۇلتان مەن الماتى كارانتينگە جابىلدى.