توتەنشە جاعداي تارتىبىندە كوكپار ۇيىمداستىرعان الماتى وبلىسىنىڭ تۇرعىنى جاۋاپكەرشىلىككە تارتىلدى، دەپ حابارلادى Polisia.kz.

– قازىرگى ۋاقىتتا ۇلتتىق ويىندى ۇيىمداستىرعان ازامات انىقتالدى. ول 27 جاستاعى جەرگىلىكتى تۇرعىن بولىپ شىقتى. قۇقىق بۇزۋشى قازىرگى توتەنشە جاعدايدىڭ اۋقىمى مەن ماڭىزىن سەزىنبەگەنى انىق. ونىڭ سوزىنشە، ول كوكپاردى “ناۋرىز مەرەكەسىنە” وراي ۇيىمداستىرعان. ەلىمىزدە توتەنشە جاعداي جاريالانعانىن بىلە تۇرا، ول قوعامدىق شاراعا ۇيىتقى بولعان. سونىمەن قاتار، ۇلتتىق ويىن ەلدىمەكەندەگى جولدىڭ بويىندا ۇيىمداستىرىلعان، ياعني ول زاڭناما تالاپتارىن ورەسكەل بۇزعان، – دەدى قاراساي اپب باسشىسى اسحات دانيار.

اتالعان وقيعا بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابىنىڭ "توتەنشە جاعداي ءتارتىبىن بۇزۋ" دەرەگى بويىنشا اكىمشىلىك ءوندىرىس قوزعالىپ، ناقتى پروسەسسۋالدىق شەشىم قابىلداۋ ءۇشىن ءىس اۋدانارالىق سوتقا جولداندى.