شىعىس قازاقستان وبلىسى وسكەمەن قالاسىندا جالعان اقپارات بويىنشا ارنايى قىزمەتكەردى شاقىرعان ەر ادام ۇستالدى. بۇل تۋرالى polisia.kz حابارلادى.
وسكەمەن قالاسىنىڭ تۇرعىنى وپەراتورعا جاقىندا تايلاندتان كەلگەنىن جانە بىرنەشە كۇن بويى وزىنەن جرۆي بەلگىلەرىن بايقاعانىن ايتقان.
جەدەل كەلگەن ماماندار 39 جاستاعى ەر ادامنىڭ ۆيرۋستىق ينفەكسيا سيمپتومدارى جوعىن انىقتادى. الايدا ول ماس كۇيدە بولعان. پوليسيا قىزمەتكەرلەرى ەر ادامنىڭ شەتەلگە شىقپاعانىن انىقتادى.
ەر ادام ق ر اكىمشىلىك قۇقىق بۇزۋشىلىق تۋرالى كودەكسىنىڭ 438-بابى 1ء-بولىمى (ارنايى قىزمەتتەردى كورىنەۋ جالعان شاقىرۋ) بويىنشا اكىمشىلىك جاۋاپكەرشىلىككە تارتىلدى. اتالعان بولىمدە ايىپكەرگە 30 ايلىق ەسەپتىك كورسەتكىش (79 530 تەڭگە) مولشەرىندە ايىپپۇل سالۋ كوزدەلگەن.
پىكىر قالدىرۋ