الماتى وبلىسىندا سوڭعى كوروناۆيرۋس جۇقتىرعان ناۋقاس ۇزىناعاش اۋىلىنىڭ تۇرعىنى، دەپ وبلىس اكىمىنىڭ باسپا ءسوز قىزمەتى مالىمدەدى.
كوروناۆيرۋس جۇقتىرعان 67 جاستاعى ەر ادام جامبىل اۋدانىنىڭ ۇزىناعاش اۋىلىندا انىقتالىپ وتىر. 29 ناۋرىزدا ول كۆي بەلگىلەرىمەن قاراساي اۋدانىنداعى جۇقپالى اۋرۋلار اۋرۋحاناسىنا جاتقىزىلعان، ونىڭ تاپسىرعان اناليزدەرىنەن كوروناۆيرۋس راستالدى.
كارانتينگە دەيىن ەر ادامنىڭ الماتى قالاسىندا يىق بۋىندارى ارتريتىنەن ەمدەلگەنى حابارلانادى. بۇل جاعداي بويىنشا قاتىناستا بولعان ەكى ادام انىقتالىپ، ولار پروۆيزورلىق ستاسيونارعا كارانتينگە جاتقىزىلدى.
ەسكە سالا كەتسەك، بۇگىن كوروناۆيرۋستىڭ تاعى 3 جاڭا وشاعى انىقتالعانى حابارلانعان بولاتىن.
پىكىر قالدىرۋ