31 ناۋرىزدان باستاپ جامبىل وبلىسىندا جاڭا شەكتەۋ شارالارى ەنگىزىلەدى. بۇل تۋرالى ءوڭىر اكىمىنىڭ باسپا ءسوز قىزمەتى حابارلادى.
ترانزيتتىك كولىك قۇرالدارى مەن ازىق-تۇلىك تيەلگەن اۆتوكولىكتەن باسقا، كولىكتىڭ بارلىق تۇرىنە جانە ازاماتتارعا جامبىل وبلىسى مەن تاراز قالاسىنىڭ اۋماعىنا كىرىپ-شىعۋعا تىيىم سالىنادى.
"ءىرى ساۋدا ورتالىقتارىنىڭ قىزمەتى توقتاتىلادى. بولشەك ساۋدا ازىق-تۇلىك بازارلارى مىندەتتى تۇردە سانيتارلىق-دەزينفەكسيا رەجيمىن ساقتاي وتىرىپ، ساعات 10.00-دەن 17.00-گە دەيىن جۇمىس ىستەيدى"، - دەلىنگەن حابارلامادا.
كوتەرمە ساۋدا دۇكەندەرى مەن بازارلار، سۋپەرماركەتتەر، ازىق-تۇلىك دۇكەندەرى، ءۇيدىڭ جانىنداعى دۇكەندەر مەن ءدارىحانالار قالىپتى رەجيمدە جۇمىسىن جالعاستىرادى. قوعامدىق تاماقتانۋ نىساندارى جەتكىزىپ بەرۋ قىزمەتىنە اۋىسادى.
پىكىر قالدىرۋ