بۇگىن، 2 ساۋىردە قازاقستان پرەزيدەنتى قاسىم-جومارت توقايەۆ اسكەري مىندەتتىلەردى ارناۋلى جيىندارعا شاقىرۋ تۋرالى قاۋلى شىعاردى. توقايەۆتىڭ قاۋلىسىن اقوردا سايتى جاريالادى.
پرەزيدەنت قاۋلىسىندا اسكەري مىندەتتىلەردىڭ ارناۋلى جيىندارعا شاقىرتىلۋى سەبەبى قازاقستان قارۋلى كۇشتەرىنىڭ اۋماقتىق اسكەرلەرىن جاساقتاۋ ءۇشىن دەپ تۇسىندىرىلگەن.
"استانانىڭ، رەسپۋبليكالىق ماڭىزى بار قالالاردىڭ جانە وبلىستاردىڭ جەرگىلىكتى اتقارۋشى ورگاندارى: قازاقستان رەسپۋبليكاسى قارۋلى كۇشتەرىنىڭ باس شتابىمەن كەلىسۋ بويىنشا شاقىرىلاتىن اسكەري مىندەتتىلەردىڭ سانىن جانە ارناۋلى جيىنداردى وتكىزۋ مەرزىمدەرىن ايقىنداي وتىرىپ، ءتيىستى جەرگىلىكتى اسكەري باسقارۋ ورگاندارى ارقىلى اسكەري مىندەتتىلەردى ارناۋلى جيىندارعا شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن" دەلىنگەن اقوردا جاريالاعان پرەزيدەنت قاۋلىسىندا.
پرەزيدەنت قاۋلىسىندا ارناۋلى جيىندار نە سەبەپتى وتەتىنى ايتىلماعان.
پىكىر قالدىرۋ