5 ءساۋىر كۇنى شىمكەنتتە كوروناۆيرۋستان ءبىر ادام قايتىس بولدى. بۇل اقپاراتتى دەنساۋلىق ساقتاۋ مينيسترلىگى حابارلادى. ۆەدومستۆونىڭ دەرەگىنشە، مارقۇم 1964 جىلى تۋعان.
قازاقستاندا وسىلايشا كورناۆيرۋستان قايتىس بولعاندار سانى 6 ادامعا جەتتى. بۇعان دەيىن 26 ناۋرىزدا اقمولا وبلىسىدا 64 جاستاعى ايەل ادام كوز جۇمدى. كەيىن 31 ناۋرىزدا نۇر-سۇلتاندا ءبىر ادام، 1 ساۋىردە قاراعاندىدا ءبىر ادام قايتىس بولدى. ال كەشە، 4 ساۋىردە تۇركىستان جانە اقمولا وبلىسىندا ەكى ادام كوز جۇمدى.
سوڭعى دەرەك بويىنشا، ەلدە ۆيرۋس جۇقتىرعاندار 569 ادامعا جەتتى. ىندەتتەىڭ ەلدەگى بار ايماققا تارادى. ەڭ كوپ جۇقتىرعاندار نۇر-سۇلتان جانە الماتىدا:
- نۇر-سۇلتان قالاسى – 219
- الماتى قالاسى – 115
- قىزىلوردا وبلىسى – 31
- قاراعاندى وبلىسى – 31
- تۇركىستان وبلىسى – 29
- جامبىل وبلىسى – 28
- سولتۇستىك قازاقستان وبلىسى – 25
- اتىراۋ وبلىسى – 23
- اقمولا وبلىسى – 23
- شىمكەنت قالاسى – 13
- اقتوبە وبلىسى – 10
- الماتى وبلىسى – 10
- شىعىس قازاقستان وبلىسى – 5
- ماڭعىستاۋ وبلىسى – 3
- باتىس قازاقستان وبلىسى – 2
- قوستاناي وبلىسى – 1
- پاۆلودار وبلىسى – 1
پىكىر قالدىرۋ