الماتى قالاسى اكىمدىگىنىڭ باسپا ءسوز ورتالىعىندا وتكەن ونلاين-بريفينگتە قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ كوروناۆيرۋس ىندەتىمەن كۇرەسىپ جاتقان مەديسينا قىزمەتكەرلەرىنە العاشقى ۇستەماقىلار تولەنە باستاعانىن ايتتى.

بۇگىنگى كۇنى 500-دەن استام دارىگەر، 1،7 مىڭ ورتا مەديسينا قىزمەتكەرى، 549 كىشى مەديسينا قىزمەتكەرى جانە 764 وزگە دە دەنساۋلىق ساقتاۋ قىزمەتكەرى وزدەرىنە تيەسىلى تولەمدەرىن الۋدا.

– جالپى، 965 ملن تگ كولەمىندە 3557 مەديسينا قىزمەتكەرى تولەم الادى. بۇل ەسەپتەۋلەر ءۇش سانات بويىنشا جۇرگىزىلەدى. بۇعان دەيىن الماتى قالالىق بالالار جۇقپالى اۋرۋلار اۋرۋحاناسىنىڭ مەديسينا قىزمەتكەرلەرى، ونىڭ ىشىندە اۋرۋلاردى قابىلداۋ ءبولىمى، لابوراتوريا، كلينيكالىق-دياگنوستيكالىق بولىمدەرىنىڭ ماماندارى قاتەرلى ىندەتپەن كۇندە بەتپە-بەت كەلىپ جۇرگەندەرىن ايتقان بولاتىن. بۇل مەكەمەنىڭ دە بارلىق مەديسينا قىزمەتكەرلەرىنە، ونىڭ ىشىندە دارىگەرلەر، ورتا بۋىن مەديسينا قىزمەتكەرلەرى، كىشى بۋىن مەديسينا ماماندارىنا ءۇش ساناتقا سايكەس ۇستەماقى تولەنەتىن بولادى، – دەدى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ت. ابىلدايەۆ.