ءال-فارابي اتىنداعى قازاق ۇلتتىق ۋنيۆەرسيتەتى بەيىندىك مەكتەبى اعىمداعى وقۋ جىلىنىڭ 14 اقپانىندا«رۋحاني جاڭعىرۋ» باعدارلاماسى اياسىندا جانە ۇلى بابامىزدىڭ 1150 جىلدىق مەرەيتويىنا ارنالعان رەسپۋبليكالىق كونفەرەنسيا ۇيىمداستىردى. كونفەرەنسياعا عىلىمعا دەگەن قىزىعۋشىلىق تانىتقان مەكتەپ وقۋشىلارى مەن ارنايى ورتا ءبىلىم مەكەمەلەرىنىڭ ءبىلىم الۋشىلارى قاتىستى. كونفەرەنسيا تۋرالى تولىق مالىمەتتى htpps://kaznu.kz سايتىنان بىلە الاسىزدار.

ءال-فارابي اتىنداعى قازاق ۇلتتىق ۋنيۆەرسيتەتى جوو-عا دەيىنگى ءبىلىم بەرۋ فاكۋلتەتى بەيىندىك مەكتەپتىڭ ديرەكتورى ب.ن.كۋلجانوۆا مەن ۇستازدار ۇجىمىنىڭ ۇيىمداستىرۋىمەن مەكتەپ وقۋشىلارىنىڭ عىلىمي-زەرتتەۋ جۇمىستارىنىڭ Vءىى رەسپۋبليكالىق كونفەرەنسياسى ءوز جۇمىسىن ۇيىمداستىرۋشىلار مەن قاتىسۋشىلاردىڭ ۋنيۆەرسيتەتتىڭ باستى عيماراتىنىڭ الدىنا ورنالاسقان ءال-فارابيدىڭ ەسكەرتكىشىنە گۇل قويىپ، تاعزىم ەتۋدەن باستادى.

كونفەرەنسياعا ەلىمىزدىڭ تۇكپىر-تۇكپىرىنەن كەلگەن مەكتەپ وقۋشىلارىمەن قاتار جوعارى وقۋ ورىندارىنىڭ ستۋدەنتتەرى دە بەلسەنە قاتىستى. كونفەرەنسيا تالانتتى مەكتەپ وقۋشىلارىمەن قاتار، ستۋدەنتتەردى دە عىلىم الەمىنە جەتەلەپ، ولاردى عىلىمي-زەرتتەۋ جۇمىستارىمەن شۇعىلدانۋعا باۋلۋ ماقساتىندا ۇيىمداستىرىلدى.

رەسپۋبليكالىق كونفەرەنسيانىڭ پلەنارلىق وتىرىسىنىڭ سالتاناتتى جيىنىن قۇتتىقتاۋ سوزبەن اشقان بەيىندىك مەكتەپتىڭ ديرەكتورى بوتاگوز نيازوۆنا بۇل ءداستۇرلى Vءىى رەسپۋبليكالىق كونفەرەسيا اۋەلى جۇمىسىن قالالىق دەڭگەيدە باستاعانىن ايتىپ، ىزگىلىكتى شارانىڭ جىلدان-جىلعا اياسى كەڭەيىپ، ارقالاعان جۇگىنىڭ ماڭىزدى بولىپ كەلە جاتقانىن اتاپ ءوتتى.

كونفەرەنسيانىڭ قۇرمەتتى قوناقتارىنىڭ ءبىرى پەداگوگيكا عىلىمدارىنىڭ كانديداتى ەربول وڭالبەكوۆ ءوزىنىڭ قۇتتىقتاۋ ءسوزىن حالىقارالىق اعىلشىن تىلىندە باستادى. ە.وڭالبەكوۆ بيىلعى ەرەكشەلىكتەرىن اتاپ كورسەتىپ، عىلىمنىڭ كوكجيەگىنە جەتسەم دەپ تالپىنعان جاستارعا «سىزدەردەن ايرىقشا جەتىستىكتەر مەن يگى ناتيجەلەر كۇتەمىز" دەپ مەملەكەتتىك تىلدە اياقتادى.

شارانىڭ قۇرمەتتى قوناعى، جەكە ءبىلىم بەرۋ مەكەمەلەرىنىڭ رەسپۋبليكالىق قاۋىمداستىعىنىڭ ديرەكتورى روزا سادىقوۆا مەملەكەتتىك پەن رەسمي تىلدە سويلەپ، ءوزى قول جەتكىزگەن بيىك جەتىستىكتەرىنىڭ وسى ءبىلىم ورداسىنان باستاۋ العانىن جانە وسى تۇلەگى ەكەنىن ماقتان ەتىتىنىن ايتىپ، قازۇۋ بەيىندىك مەكتەبىن ءوزى باسقارىپ وتىرعان قاۋىمداستىعىنا مۇشە بولۋىمەن قۇتتىقتادى.

جوو-عا دەيىنگى فاكۋلتەتىنىڭ دەكانى، تاريح عىلىمدارىنىڭ كانديداتى، دوسەنت ج.ە.جاپپاسوۆ تا جاستاردىڭ وسى الەمنىڭ قۇپياسىن تەرەڭىرەك بىلسەم، عىلىم كەڭىستىگىندە پايدالى جاڭالىق اشىپ، تۋعان ەلىنىڭ دامۋىنا وزىندىك ۇلەسىن قوسسام دەپ كەلىپ وتىرعان جاستاردىڭ قادامىنا ساتتىلىك تىلەيتىنىن ايتا كەلىپ، جاس دارىنداردى عىلىم الەمىنە جەتەلەپ، باعىت-باعدار بەرۋشى ۇستازدارىنا العىسىن ءبىلدىردى.

كونفەرەنسيانىڭ قۇرمەتتى قوناقتارى: قازۇۋ-دىڭ عىلىم جانە يننوۆاسيالىق قىزمەتى جونىندەگى دەپارتامەنت ديرەكتورى سەرىك كوپجاساروۆيا مۋحامبەتجانوۆ، «ءال-فارابي» كىتاپحاناسىنىڭ ديرەكتورى قاليما تولەۋبايەۆنا تۋەنبايەۆا، «ءال-فارابي» ورتالىعىنىڭ ديرەكتورى بەرىك بارىكباي ۇلى مەيربايەۆتار دا كونفەرەنسيا قاتىسۋشىلارى مەن ۇيىمداستىرۋشىلارىن اۋقىمدى شارانىڭ اشىلۋىمەن قۇتتىقتاپ، جاس دارىندار مەن ولارعا باعىت بەرۋشى  عىلىمي جەتەكشىلىلەرىنە ساتتىلىك تىلەدى.

شىنىندا، بۇل كونفەرەنسيا وتە اۋقىمدى كولەمدە، جوعارى دەڭگەيدە ءوتتى. وعان الماتى وبلىسىمەن قاتار الماتى، اكتاۋ، كەنتاۋ، كوكشەتاۋ، كىزىلوردا، مانگيستاۋ، پاۆلودار، تالدىكورگان، تاراز، شىمكەنت ەكيباستۋز قالالارىنان كەلگەن 400-گە وقۋشى مەن ستۋدەنتتەر قاتار، ءار شاكىرتىنىڭ جۇمىسىن ءساتتى ءوتۋىن تىلەكتەس بولىپ كەلگەن عىلىمي جەتەكشىلەرى دە بەلسەندىلىك تانىتىپ بىرگە كەلدى.

كونفەرەنسيانىڭ اشىلۋ سالتاناتى ۋنيۆەرسيتەتتىڭ الەمنىڭ ەكىنشى ۇستازى، دانىشپان بابامىزدىڭ اتىنداعى «ءال-فارابي» كىتاپحاناسىنان كونفەرەنسزالىندا باستاۋ الىپ، باعىتىنا وراي سەكسيالار جۇمىستارىن فاكۋلتەتتەردە جالعاستىردى. كونفەرەنسيا سەكسيالار «گەوگرافيا، ولكەتانۋ، تۋريزم» سەكسياسى، «تاريح، ارحەولوگيا، قوعامتانۋ، ەتنومادەنيەتانۋ» سەكسياسى، «قازاق فيلولوگياسى، قازاق ءتىلى مەن ادەبيەتى»، «ورىس جانە شەتەل فيلولوگياسى»، «بيولوگيا، ەكولوگيا، مەديسينا» سەكسياسى، «ماتەماتيكا، قولدانبالى ماتەماتيكا جانە ينفورماتيكا»، «حيميا جانە حيميالىق تەحنولوگيا» باعىتتارى بويىنشا جۇمىس ىستەدى.

عىلىم الەمىنە قادامىن جاڭا باستاعان جاس دارىنداردىڭ عىلىمي ءجۇمىستارىنار سەكسيا بويىنشا فاكۋلتەتتەردىڭ عالىم ۇستازدارى: وقىتۋشى-پروفەسسورلار قۇرامىنان جاساقتالعان  ارنايى كوميسسيا مۇشەلەرى باعالادى. سەكسيادا عىلىمي جوبالارىن ۇزدىك قورعاپ، العاشقى جۇلدەلى 1،2،3-ورىنداردى يەلەنگەن تالانتتى وقۋشىلار ءى، ءىى، ءىىى دارەجەلى ديپلومدارمەن ماراپاتتالدى.

كونفەرەنسيانىڭ بارلىق قاتىسۋشىلارىنا ۋنيۆەرسيتەتتىڭ ءتول باسپاسىنان شىققان مەرەيتويلىق ارنايى بەلگىسى بار قويىن كىتاپشالار، اتاۋلى كۇنتىزبەلەر، قالامدار، كونفەرەنسيا باعدارلامالارى، مەكتەپتىڭ جارنامالىق بۋكلەتتەرى، كونفەرەنسيا ماتەريالدارىنىڭ جيناعى بار پاپكالار مەن سەرتيفيكاتتار تابىس ەتىلدى. ءبىلىم الۋشىلاردى مەكتەپ قابىرعاسىنان-اق عىلىمي-زەرتتەۋ جوبالاۋ جۇمىستارىمەن اينالىسۋعا قىزىقتىرۋعا، وتاندىق ءبىلىم بەرۋدىڭ يننوۆاسيالىق مودەلىن قۇرۋعا باعىتتالعان جانە مەكتەپ پەن جوعارى وقۋ ورىندارىنىڭ اراسىندا عىلىمي بايلانىس ورناتقان كونفەرەنسيانىڭ قاتىسۋشىلارعا ۇيرەتەرى دە، بەرەرى دە مول ءتالىمدى شارا بولدى.

نارالييەۆا راحيلا تۋرسىنوۆنا،

بەگالييەۆا ايشا كارىپجانوۆنا

قازۇۋ-دىڭ اعا وقىتۋشىلارى