نۇر-سۇلتاندا كوروناۆيرۋس جۇقتىرعان 1 ناۋقاس اۋرۋحانادان شىقتى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ ايتتى.

– ول 82 جاستاعى نۇر-سۇلتان قالاسىنىڭ تۇرعىنى. 22 ناۋرىزدا كۆي جۇقتىرعانى راستالىپ، كوپبەيىندى مەديسينالىق ورتالىقتىڭ ينفەكسيالىق بلوگىنا ءتۇستى. دياگنوزى: COVID-19. اۋىرلىق دارەجەسى ورتاشا، ەكى جاقتى پوليسەگمەنتارلى پنيەۆمونيا. 1 دارەجەلى تىنىس الۋ جەتكىلىكسىزدىگى. وكپەنىڭ سوزىلمالى وبسترۋكتيۆتى اۋرۋى. 3 دارەجەلى ارتەريالىق گيپەرتەنزيا. يديوپاتيالىق پوداگرا. جۇرگىزىلگەن كەشەندى ەمدەۋدەن كەيىن 24 ساعات ارالىعىمەن COVID-19-دان 2 رەت زەرتحانالىق زەرتتەۋ جۇرگىزىلدى. ناتيجەلەرى تەرىس بولدى. قازاقستاندىق دارىگەرلەر ءبىزدىڭ اۋىرتپالىعىمىزدى ءساتتى ەڭسەرۋدە. ءبىزدىڭ دارىگەرلەر COVID-19 حالىقارالىق كلينيكالىق حاتتامالارىنا سايكەس جۇمىس ىستەيدى، – دەپ جازدى مينيستر Facebook پاراقشاسىندا.