الماتىدا جول-كولىك ينفراقۇرىلىمىن دامىتۋ بويىنشا جوبالاردى جۇزەگە اسىرۋ جالعاسۋدا. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

قازىرگى ۋاقىتتا «دوستىق» جانە «سارىارقا» مەترو ستانسياسىنىڭ جەلىلەرى سالىنۋدا. وعان 250 جۇمىسشى تارتىلعان. رىسقۇلوۆ داڭعىلى مەن ەمسوۆ كوشەسىنىڭ قيىلىسىندا جول ايرىعىنىڭ قۇرىلىسى جۇرگىزىلۋدە. وعان 53 جۇمىسشى تارتىلعان. ال اباي داڭعىلىن تەسۋگە 20 جۇمىسشى كۇش جۇمساپ وتىر.

الاتاۋ اۋدانىنداعى جاڭا جولداردىڭ قۇرىلىسىنا 115 جۇمىسشى جۇمىلدىرىلعان:

• - شاڭىراق-2، ۇزىندىعى - 10،9 كم، اياقتالۋ مەرزىمى - وسى جىلدىڭ تامىز ايى، قامتۋ - 18440 تۇرعىن؛
• - ايگەرىم-1، ۇزىندىعى - 6 كم، اياقتالۋ مەرزىمى - وسى جىلدىڭ مامىر ايى، قامتۋ - 10300 تۇرعىن؛
• - ۇلجان-1، ۇزىندىعى - 12،6 كم، اياقتالۋ مەرزىمى - وسى جىلدىڭ قازان ايى، قامتۋ - 8000 تۇرعىن؛
• - ترۋدوۆيك، ۇزىندىعى - 18،2 كم، اياقتالۋ مەرزىمى - وسى جىلدىڭ قاراشا ايى، قامتۋ - 6000 تۇرعىن؛
• - ايگەرىم-2، ۇزىندىعى - 6 كم، اياقتالۋ مەرزىمى - وسى جىلدىڭ قىركۇيەك ايى، قامتۋ - 12،600 تۇرعىن.

جولداردى اعىمداعى جوندەۋ. 105 جۇمىسشىدان 10 بريگادا جۇمىلدىرىلدى. بۇگىنگى تاڭدا اۋدان بويىنشا اعىمداعى جوندەۋ جۇمىستارى جالعاسۋدا:

• الاتاۋ اۋدانى – 3600 ش.م؛
• المالى اۋدانى – 3000 ش.م؛
• اۋەزوۆ اۋدانى – 600 ش.م؛
• بوستاندىق اۋدانى – 3000 ش. م؛
• جەتىسۋ اۋدانى – 5000 ش.م؛
• مەدەۋ اۋدانى – 4200 ش.م؛
• ناۋرىزباي اۋدانى – 3000 ش.م؛
• تۇركسىب اۋدانى – 3000 ش.م.

جۇمىسشىلاردىڭ سانيتارلىق-قورعانىس شارالارىن ساقتاۋ ءۇشىن جوندەۋ-قۇرىلىس جۇمىستارىنىڭ بارلىق قاتىسۋشىلارى ماسكالارمەن، سونداي-اق انتيسەپتيكالىق زاتتارمەن قامتاماسىز ەتىلگەن.

وسى جىلدىڭ سوڭىنا دەيىن الاتاۋ اۋدانىنىڭ 7 شاعىناۋدانىندا ۇزىندىعى 84 شاقىرىم بولاتىن جاڭا جولدىڭ قۇرىلىسى اياقتالادى. سونىمەن قاتار ۇزىندىعى 67،4 شاقىرىم بولاتىن 18 شاعىناۋداندا ورتاشا جوندەۋ جۇمىستارىن جۇرگىزۋ جوسپارلانعان. 5 مولتەك اۋداندا: «سامعاۋ»، «وجەت»، «شاڭىراق-5»، «العاباس»، «شاپاعاتتا» جاڭا جولدىڭ كۇردەلى قۇرىلىسىنىڭ جوبالىق-سمەتالىق قۇجاتتارىن ازىرلەۋ جۇمىستارى جۇرگىزىلۋدە. جوبالىق-سمەتالىق قۇجاتتامانى اياقتاۋ مەرزىمى 2020 جىلدىڭ 2 توقسانىنا جوسپارلانعان.

سونىمەن قاتار شاعىن اۋداندارداعى كوشەلەردى جوندەۋ قولعا الىنۋدا:

• الاتاۋ اۋدانىندا جىل سوڭىنا دەيىن ۇزىندىعى 67 شاقىرىم بولاتىن 75 كوشەنى جوندەۋ جوسپارلانۋدا.
• المالى اۋدانىندا جىل سوڭىنا دەيىن ۇزىندىعى 14 شاقىرىم بولاتىن 16 كوشەنى جوندەۋ جوسپارلانۋدا.
• اۋەزوۆ اۋدانىندا التىنسارين، اباي داڭعىلدارى مەن ساين، شالياپين جانە جاندوسوۆ كوشەلەرىندە جوندەۋ جۇمىستارى باستالدى. جىل سوڭىنا دەيىن ۇزىندىعى 27 شاقىرىم بولاتىن 49 كوشەنى جوندەۋ جوسپارلانعان.
• بوستاندىق اۋدانىندا جىل سوڭىنا دەيىن ۇزىندىعى 25 شاقىرىم بولاتىن 49 كوشەنى جوندەۋ جوسپارلانىپ وتىر.
• جەتىسۋ اۋدانىندا بوكەيحانوۆ كوشەسىنە جوندەۋ جۇمىستارى جۇرگىزىلۋدە. جىل سوڭىنا دەيىن اۋداندا ۇزىندىعى 22 شاقىرىم بولاتىن 23 كوشەنى جوندەۋ جوسپارلانۋدا.
• اعىمداعى جىلى مەدەۋ اۋدانىندا ۇزىندىعى 21 شاقىرىمنان اساتىن 24 كوشەنى جانە شىعىس اينالما اۆتوموبيل جولى بويىندا ورنالاسقان 8 جەر ءۇستى جاياۋ جۇرگىنشىلەر وتكەلىن ورتاشا جوندەۋ جوسپارلانعان.
• ناۋرىزباي اۋدانى بويىنشا جالپى ۇزىندىعى 22 شاقىرىم بولاتىن 35 كوشەنىڭ كوشە-جول جەلىسىن ورتاشا جوندەۋ جوسپارلانۋدا.
• تۇركسىب اۋدانى اۋماعىندا 15 كوشەنى جوندەۋ جۇمىستارى اياقتالدى. اعىمداعى جىلدىڭ سوڭىنا دەيىن ۇزىندىعى 9 شاقىرىم بولاتىن 12 كوشەگە ورتاشا جوندەۋ جۇمىستارى جوسپارلانعان.