توتەنشە جاعداي كەزىندە قايتىس بولعان ادامنىڭ جەتىسىن، قىرقى مەن جىلىن بەرۋ سەكىلدى راسىمدەردى كەيىنگە قالدىرۋعا رۇقسات ەتىلەدى. بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى مالىمدەدى.
– ءبىزدىڭ ەلدە ادام قايتىس بولعاننان كەيىن جەتىسىن، قىرقىن، جىلىن بەرۋ دەگەن ءداستۇر بار. بۇل شاريعاتتىڭ مىندەتتى قۇلشىلىعى ەمەس، بۇل ساۋاپتى ىستەر. شاريعاتىمىزدا توتەنشە جاعداي كەزىندە مۇنداي شارالاردى كەيىنگە قالدىرۋعا رۇقسات ەتىلەدى. ياعني، توتەنشە جاعداي اياقتالعاننان كەيىن، اللا قالاسا، قىرقىن نەمەسە باسقا استى بەرۋگە بولادى، – دەدى باس ءمۇفتي.
پىكىر قالدىرۋ