ەلدەگى ەپيدەميالىق جاعدايدى ەسكەرە وتىرىپ «الماتى – ادالدىق الاڭى» جوبالىق كەڭسەسى جانە الماتى قالاسىنىڭ سىبايلاس جەمقورلىققا قارسى قىزمەتى اۋرۋحانالاردىڭ COVID-19 ۆيرۋسىمەن كۇرەسۋگە دايىندىعىنىڭ جاي-كۇيىنە مونيتورينگ جاسادى، دەپ جازادى اكىمدىكتىڭ باسپا ءسوز قىزمەتى.

بۇگىن قىزمەتكەرلەر 7ء-شى قالالىق كلينيكالىق اۋرۋحانادا بولدى.

مونيتورينگ ماسكالار، جەكە قورعانىس قۇرالدارى، دەزينفەكسيا، حالاتتار، رەسپيراتورلار جانە اۋرۋحانانىڭ جالپى ۆيرۋسپەن كۇرەسۋگە دايىندىعىنا قاتىستى جۇرگىزىلدى.

سونداي-اق ەلدە ەپيدەميانىڭ كوپ تارالۋ كەزەڭى جانە الەۋمەتتىك نارازىلىققا بايلانىستى سىبايلاس جەمقورلىققا قارسى قىزمەت وكىلدەرى مەديسينالىق قىزمەتكەرلەردىڭ جاعدايى تۋرالى، اۋرۋحانانىڭ جابدىقتالۋى بويىنشا اڭگىمە وتكىزدى.

كوروناۆيرۋستىڭ نەگىزگى اسقىنۋى – پنيەۆمونيا جانە وكپە فيبروزى. اۋىر ناۋقاستاردى قۇتقارۋ ءۇشىن تەك رەانيماتولوگ قانا ەمەس، سونىمەن بىرگە ارنايى جابدىقتالعان اۋرۋحانا توسەگى دە قاجەت: ەڭ الدىمەن وكپە جەلدەتكىش اپپاراتتارى (وكپەنى مەحانيكالىق جەلدەتۋ) جانە ەكستراكورپورالدى مەمبرانا وتتەگىسى.

دارىگەرلەر اۋىر ناۋقاستاردى ينتۋباسيالاۋ كەزىندە ەرەكشە قاۋىپكە يە ناۋقاستى مەحانيكالىق جەلدەتۋگە اۋىستىرۋ كەزىندە پاسيەنتتەرمەن تىعىز بايلانىستا بولادى.

اڭگىمە بارىسىندا دەپارتامەنتتىڭ جانە «الماتى – ادالدىق الاڭى» جوبالىق كەڭسەسىنىڭ وكىلدەرى اۋرۋحانا مامانداردىڭ جەتكىلىكتى بىلىكتىلىگىنە، كوروناۆيرۋستىق ينفەكسيانى جەڭۋگە دەگەن جەكە نيەتتەستىگى مەن ادالدىعىنا سەنىمدى بولدى. بارلىق مەديسينا قىزمەتكەرلەرى ادام دەنساۋلىعى ءۇشىن كۇرەستە وزدەرىنىڭ جاۋاپكەرشىلىكتەرىن تۇسىنەدى.

– اۋرۋحانا اكىمشىلىگى پاسيەنتتەرگە ءتيىمدى كومەك كورسەتۋ ءۇشىن اۋرۋحانا قىزمەتكەرلەرلەرىنە ءقاۋىپسىز جۇمىس ورنىن جاساۋ – باستى باعىتتارىنىڭ ءبىرى ەكەنىن مويىنداۋ كەرەك. كوروناۆيرۋستىق ينفەكسيامەن ءساتتى كۇرەستە مەديسينا قىزمەتكەرلەرىنىڭ كاسىبي مىندەتتەرىن ساپالى جانە ادال اتقارۋىن اۋرۋحاناعا كەلىپ كورۋ بەلگىلى ءبىر ءوپتيميزمدى وياتتى، – دەپ مونيتورينگ ناتيجەلەرىمەن الماتى قالاسى سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى ءبولىستى.

– مۇنداي مونيتورينگ تۇراقتى نەگىزدە جۇرگىزىلەتىن بولادى. ءبىز اۋرۋحانا دارىگەرلەرى قاجەتتى قۇرال-جابدىقتارمەن جابدىقتالعانىن كورىپ وتىرمىز. بۇل وڭاي جۇمىس ەمەس ەكەنىن بىلەمىز. قىزمەتكەرلەر  كۇن سايىن  ءوز جۇمىستارىن اتقارۋدا. سوندىقتان ەلدەگى قازىرگى جاعدايعا بايلانىستى ءبىز بارلىق ازاماتتاردان ۇيدە بولۋىن سۇرايمىز، – دەدى «الماتى – ادالدىق الاڭى» جوبالىق كەڭسەسىنىڭ جەتەكشىسى الەكساندر براتەنكوۆ.