الماتى قالاسىنىڭ اكىمى باقىتجان ساعىنتايەۆ مەديسينا ۇيىمدارىنىڭ باس دارىگەرلەرىمەن كەزدەستى. بۇل تۋرالا جەلىدەگى پاراقشاسىندا جاريالادى.
– بۇگىن قالانىڭ بارلىق 74 مەديسينالىق ۇيىمدارىنىڭ باس دارىگەرلەرىمەن «كەزدەستىم». نەگىزگى ماسەلە – ەڭبەك جاعدايىنىڭ قاۋىپسىزدىگى جانە دارىگەرلەردىڭ جۇمىس ورنىندا جۇقتىرۋ قاۋپىنە جول بەرمەۋ. ءاربىر اۋرۋحانادا جۇيەلى سانيتارلىق-ەپيدەميولوگيالىق جۇمىستى قۇرۋ بويىنشا مىندەتتەر قويدىم. جەدەل قىزمەتتەر مەن قابىلداۋ بولمەلەرىندەگى سانيتارلىق قاۋىپسىزدىكتى قامتاماسىز ەتۋگە باسىمدىق بەرىلۋ كەرەك، – دەپ جازدى قالا اكىمى.
سونىمەن قاتار ول باس دارىگەرلەرگە ءقاۋىپتى ىندەتپەن كۇرەسكە جۇمىلدىرىلعان قىزمەتكەرلەردى قورعاۋ ءۇشىن تۇراقتى تەكسەرۋلەردى جۇرگىزىپ وتىرۋىن جانە جەكە قورعانۋ قۇرالدارى تۋرالى حاتتاما تالاپتارىنىنىڭ ساقتالۋىنا مەديسينالىق ۇيىمداردىڭ باسشىلارى دەربەس جاۋاپتى بولاتىنىن اتاپ ءوتتى.
– مەديسينالىق كورپۋستى باسقارۋ مەن ونى ۇيلەستىرۋدىڭ ماڭىزدى تەتىگى – باس دارىگەرلەر. ەڭبەك قاۋىپسىزدىگى، ۇستەماقىلار مەن وتەماقىلار تولەۋ سياقتى نەگىزگى ماسەلەلەر بويىنشا دارىگەرلىك ۇجىمدارمەن تۇراقتى ديالوگ ورناتۋ قاجەت. ءقاۋىپتى ىندەتپەن كۇرەستە الدىڭعى شەپتە جۇرگەن دارىگەرلەر، سىزدەردى بۇكىل قالا قولدايدى، – دەدى باقىتجان ساعىنتايەۆ.
پىكىر قالدىرۋ