بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى باقىتجان قاشاقوۆ مالىمدەدى.

اۋىل شارۋاشىلىعى سالاسىن دامىتۋ ماقساتىندا قارجى ينستيتۋتتارىنا شاعىن نەسيە بەرۋگە 1،2 ملرد. قاراجات ءبولىندى. وسى بويىنشا ايماقتا 2 قارجى ينستيتۋتى جۇمىس ىستەيدى، ونىڭ ءبىرىنشىسى – اۋىل شارۋاشىلىعىن قارجىلاي قولداۋ قورى. بۇل قورعا 841 ملن. تەڭگە بولىنگەن. تالاپقا سايكەس، كاسىپكەر بۇل قوردان 7 جىلعا 6% نەسيە الا الادى. شامامەن نەسيە كولەمى 4 ملن. تەڭگە. ايتا كەتەيىك، ەكىنشى ينستيتۋت اگرونەسيە كورپوراسياسىنا 361 ملن. تەڭگە ءبولىندى. ونىڭدا تالابى ءدال سونداي  (7 جىلعا، 6%). الايدا بەرەتىن نەسيە كولەمى 6 ملن. تەڭگەنى قۇرايدى.

2020 جىلدىڭ 3 ايىنىڭ قورىتىندىسى بويىنشا ماڭعىستاۋ وبلىسى مال شارۋاشىلىعى ءونىمىنىڭ جالپى شىعارىلىمى 2،3 ملرد. تەڭگەنى قۇرادى. ستاتيستيكاعا سۇيەنەتىن بولساق، وڭىردە ءىرى قارا مالدىڭ سانى 29 226، قوي مەن ەشكى 617 000، جىلقى 117 000، تۇيە 83 000 باس. جوسپارعا سايكەس، جەرگىلىكتى بيۋدجەتتەن اسىل تۇقىمدى مال شارۋاشىلىعىن دامىتۋ مەن  ونىڭ ونىمدىلىگىن جانە ءونىم ساپاسىن ارتتىرۋعا 36 ملن. تەڭگە قاراستىرىلىپ وتىر. بۇل قاراجات قوي شارۋاشىلىعىنداعى سەلەكسيالىق اسىلداندىرۋ جۇمىستارىنا، شارۋاشىلىقتاردا جانە اۋىل شارۋاشىلىعى كووپەراتيۆتەرىندە قويلاردىڭ انالىق باسىن قولدان ۇرىقتاندىرۋ قىزمەتتەرىن سۋبسيديالاۋعا جۇمسالادى. سونداي-اق، اسىل تۇقىمدى قويلاردى جانە ءىرى قارا مال شارۋاشىلىعىندا سەلەكسيالىق اسىلداندىرۋعا بولىنەدى.