الماتىلىق ساۋلە قايىڭبايەۆا قىمىز ساتىپ، تاپقان تابىسىنىڭ ءبىر بولىگىن كومەككە مۇقتاج جاندارعا جۇمسايدى. بۇل تۋرالى الماتى قالاسى اكىمىنىڭ باسپا ءسوز حاتشىسى اسەت مۇقاجانوۆ instagram پاراقشاسىندا جاريالادى.
– الماتىلىق ساۋلە قايىڭبايەۆانىڭ الاتاۋ اۋدانىندا ءوز قىمىزحاناسى بار. كاسىپكەر تاپقان تابىسىنىڭ ءبىر بولىگىن كومەككە مۇقتاج جانداردى قولداۋعا، سونىڭ ىشىندە جەتىم بالالاردىڭ يگىلىگى ءۇشىن جۇمسايدى. جۇرەگى نازىك ايەلدىڭ جانى دا تازا. كەزىندە 15 جىل مەديسينا سالاسىندا قىزمەت ەتكەن. ساۋلە اپايدىڭ جۇرەگىنىڭ كەڭدىگى، كوپشىلىككە قامقور پەيىلى قازاق دەگەن اتا-بابامىزدىڭ قانىمەن دارىعان ۇلتتىق قۇندىلىعى. ءبىزدى كەز-كەلگەن قيىن ساتتەن الىپ شىعاتىن وسىنداي قايىرىمدىلىق، مەيىرىمدىلىك. بۇگىنگىدەي سىن ساعاتتى، ۋاقىتشا قيىندىقتى ساۋلە قايىڭبايەۆا سىندى التىن جۇرەكتى جانداردىڭ ارقاسىندا بىرگە ەڭسەرەتىنىمىزگە سەنەمىز. #AlmatyBirgemiz ، – دەدى اسەت مۇقاجانوۆ.
پىكىر قالدىرۋ