مەگاپوليستە جاۋىن-شاشىن جاۋۋ كەزىندە سۋ باسۋدىڭ الدىن الۋ جانە ونى جويۋ ماقساتىندا 2020 جىلدىڭ 14-15 ءساۋىرى ارالىعىندا مەردىگەرلىك ۇيىمدار مەن اۋداندىق اكىمدىك قىزمەتكەرلەرىنىڭ كۇشىمەن تاۋلىكتىك كەزەكشىلىك ۇيىمداستىرىلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

وتكەن تۇندە سۋ باسۋ بويىنشا 16 جاعداي تىركەلدى. سونىڭ ىشىندە 13 اۋلا اۋماعى مەن 3 كوشەنى سۋ باستى.

سونداي-اق، جەتىسۋ اۋدانىنا تيەسىلى رايىمبەك داڭعىلى مەن جەلتوقسان كوشەلەرنىڭ قيىلىسىندا اپاتتى جاعدايدا تۇرعان اعاش قۇلاپ، جولدى باسىپ قالدى. قالالىق قۇتقارۋ قىزمەتىنىڭ قىزمەتكەرلەرى اپاتتىڭ سالدارىن جويدى.
تۇنگى ۋاقىتتاعى جۇمىستارعا 164 ادام، 99 بىرلىك ارنايى تەحنيكا جانە 31 موتوپومپا جۇمىلدىرىلدى.

تاڭەرتەڭنەن باستاپ سۋدى بوگەتسىز وتكىزۋ جانە اعىزۋدى قامتاماسىز ەتۋ جۇمىستارىن ۇيىمداستىرۋ ءۇشىن 779 ادام، 276 بىرلىك ارنايى تەحنيكا جانە 32 بىرلىك موتوپومپا ىسكە قوسىلدى.

بارلىعى 880 دانا قۇم سالىنعان قاپ قولدانىلدى.