الماتى قالاسى اكىمدىگىنىڭ باسپا ءسوز ورتالىعىندا قالانىڭ باس مەملەكەتتىك سانيتارلىق دارىگەرى جانداربەك بەكشيننىڭ جانە قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆتىڭ قاتىسۋىمەن بريفينگ ءوتتى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
ءساۋىر ايىندا كوروناۆيرۋستىق ينفەكسيانى جۇقتىرۋ دەڭگەيى تاۋلىگىنە 6%-دان اسپاعاندىقتان، قالا ەكونوميكاسىن كەزەڭ-كەزەڭىمەن قالپىنا كەلتىرۋ ستراتەگياسىن ىسكە اسىرۋ باستالدى.
الماتى قالاسىنىڭ كارانتيننەن ءقاۋىپسىز شىعۋىنا جاعداي جاساۋ ءۇشىن ءساۋىر ايىنىڭ باسىنان باستاپ كارانتين جاعدايىندا مەگاپوليستىڭ ءومىر ءسۇرۋىن قامتاماسىز ەتەتىن ساناتتاعى حالىقتىڭ تاۋەكەل توپتارىن جاپپاي تەستىلەۋ باستالدى.
بۇگىنگى كۇنى قالاداعى سانيتارلىق-ەپيدەميولوگيالىق جاعداي تۇراقتى. الماتىدا بارلىعى 1353 كوروناۆيرۋستىق ينفەكسيانى جۇقتىرعاندار تىركەلگەن. ونىڭ ىشىندە 92% ءقاۋىپتى توپ وكىلدەرى اۋقىمدى پروفيلاكتيكالىق تەستىلەۋ بارىسىندا انىقتالدى.
سوڭعى 7 كۇندە الماتىلىقتاردىڭ جۇقتىرۋ ديناميكاسى 6% دەڭگەيىندە.
اۋىرعانداردىڭ ناقتى سانى مەگاپوليس تۇرعىندارىنىڭ جالپى سانىنىڭ 0،06% قۇرايدى.
اۋقىمدى تەستىلەۋ ينفەكسيانىڭ جاسىرىن وشاقتارىن انىقتاۋعا جانە بارلىق قالا بويىنشا جۇقتىرۋدىڭ جاڭا تىزبەگىنە جول بەرمەي، وشاقتاردى دەر كەزىندە جويۋعا مۇمكىندىك بەرەدى.
الماتى قالاسىنىڭ الدىندا زەرتتەۋلەر سانىن كۇنىنە 3 مىڭ تەستكە دەيىن جەتكىزۋ مىندەتى تۇر. جالپى، بۇگىنگى كۇنى الماتىدا قالانىڭ التى زەرتحاناسى كوروناۆيرۋسقا 2 مىڭنان استام تەست وتكىزىپ جاتىر. جەدەلدىك ءۇشىن 10 ءموبيلدى مەديسينالىق بريگادا جۇمىس ىستەيدى. ناتيجەلەردى راستاۋ جىلدامدىعى حالىقتى پتر دياگنوستيكاسىمەن قامتۋ ارقىلى 2،5 ەسەگە ارتتى، بەلسەندى انىقتاۋ جولعا قويىلدى. زەرتحانالار سانىن 6-دان 8-گە دەيىن ۇلعايتۋ، سونداي-اق ولاردىڭ قۋاتىن ارتتىرۋ مۇمكىندىگى قاراستىرىلۋدا.
بۇگىن الماتىدا پروفيلاكتيكالىق سكرينينگ اياسىندا ەكى ينفەكسيا وشاعى انىقتالدى. دارىگەرلەر مەن قۇقىق قورعاۋ ورگاندارى اراسىندا بارلىق وشاقتار وقشاۋلاندى، كۇشەيتىلگەن سانيتارلىق-ەپيدەميولوگيالىق شارالار قابىلداندى.
– ستاتيستيكانىڭ وسۋىنەن قورقۋدىڭ قاجەتى جوق، ول تۇرعىنداردىڭ ۇلكەن كونتينگەنتىن تەستىلەۋ بويىنشا قارقىندى جۇمىستىڭ كورسەتكىشى بولىپ تابىلادى. بۇگىن الماتىدا بارلىعى 77 مىڭ تەست وتكىزىلدى، ونىڭ ىشىندە 55 مىڭ پتر جانە 22 مىڭ ەكسپرەسس-تەست. كونتينگەنتتىڭ اراسىندا نەگىزىنەن مەديسينا قىزمەتكەرلەرى (19 مىڭ)، جەدەل جاردەم، قۇقىق قورعاۋ ورگاندارى مەن ت.ب. قىزمەتكەرلەرى بار، – دەپ اتاپ ءوتتى ج. بەكشين.
ءوز كەزەگىندە، ابىلدايەۆ الماتىدا CوVID-19-دان بۇگىنگى كۇنى ينفەكسيالىق ستاسيونارلاردا 1135 ناۋقاس ەمدەلىپ جاتقانىن حابارلادى. ءبىر پاسيەنتتىڭ جاعدايى وتە اۋىر، 34 – اۋىر، 289 – اۋىرلىعى ورتاشا جانە قالعاندارى – قاناعاتتانارلىق. اۋرۋحاناعا جاتقىزىلعاندار سانىنان اۋىر ناۋقاستار سانى سوڭعى ۋاقىتتا كوبەيگەن جوق.
مەديسينالىق باقىلاۋدا 12 665 الماتىلىق، ونىڭ ىشىندە 312 – پروۆيزورلىق ستاسيونارلاردا، 345 – كارانتيندىك گوسپيتالداردا، 12 008 ازامات – ءۇي كارانتينىندە.
الماتىدا كوروناۆيرۋستىق ينفەكسيادان 210 ادام ساۋىعىپ شىعارىلدى. اعىمداعى جىلدىڭ 4 جانە 5 مامىرىندا ستاسيونارلاردان 51 ادام شىعارىلدى، ونىڭ ىشىندە 28 بايلانىستا بولعانداردان جانە 23 مەديسينا قىزمەتكەرى.
– الماتىدا كەڭەيتىلگەن كونتينگەنتتى جاپپاي تەستىلەۋ اۋرۋدىڭ ەرتە ساتىسىندا ايتارلىقتاي مولشەردە جۇقتىرعانداردى انىقتاۋعا مۇمكىندىك بەردى. مەگاپوليستە COVID-19 دەر كەزىندە انىقتالۋىنىڭ دالەلى ناۋقاستاردىڭ 77% قاناعاتتانارلىق جاعدايدا جانە ولاردىڭ اۋرۋى سيمپتومسىز جەڭىل تۇردە وتەدى. بۇل ەمدەۋدى جەڭىلدەتەدى، ويتكەنى ءبىز جاعدايدى شەگىنە دەيىن جەتكىزبەيمىز، – دەدى ت. ابىلدايەۆ.
سونداي-اق مەديسينا قىزمەتكەرلەرىنىڭ قاۋىپسىزدىگىن قامتاماسىز ەتۋ شارالارىن كۇشەيتۋ بويىنشا جۇمىستار جۇرگىزىلۋدە.
بارلىق قالالىق جۇقپالى جانە پروۆيزورلىق اۋرۋحانالاردا بولمەلەردى "تازا" جانە ينفەكسيالانعان ايماقتارعا ءبولۋ قاعيداتى ساقتالادى. مەديسينا قىزمەتكەرلەرىن ءارتۇرلى ايماقتان قيىپ وتۋگە جول بەرىلمەيدى.
سونداي-اق بارلىق مەديسينالىق مەكەمەلەردە جەلدەتۋ جانە بەينەباقىلاۋ جۇيەسى قاداعالاۋعا الىندى. جاۋاپتى قىزمەتكەرلەر مەديسينالىق قىزمەتكەرلەردىڭ جەكە قورعانۋ قۇرالدارىن دۇرىس كيۋ حاتتاماسىن ساقتاۋىن قاداعالايدى. جەكە قورعانۋ قۇرالدارىن كيۋ الگوريتمىن ساقتاۋ بويىنشا تۇراقتى ساباقتار وتكىزىلەدى. بارلىق مۇقتاج ناۋقاستار ق ر دسم ەمدەۋ حاتتاماسىنا سايكەس تولىق كولەمدە ەم الادى.
پىكىر قالدىرۋ