بۇل جونىندە قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسىنىڭ اكىمى سەرىكباي ترۇموۆ ايتتى.
بارشاڭىزعا ءمالىم، قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ قاتىسۋىمەن وتكەن مەملەكەتتىك كوميسسيانىڭ وتىرىسىندا توتەنشە جاعداي رەجيمىنىڭ توقتاتىلعاندىعى جونىندە حابارلاندى.
الايدا، ەل اۋماعىندا توتەنشە جاعداي رەجيمى اياقتالعانىمەن احۋالعا بايلانىستى ماڭعىستاۋ وبلىسىندا كارانتين رەجيمى مەن شەكتەۋ شارالارى جالعاسۋدا.
سونىمەن بىرگە، وڭىردەگى اۋدان، قالالارداعى ەپيدەمولوگيالىق جاعدايعا بايلانىستى كارانتيندىك شارالاردى كەزەڭ-كەزەڭىمەن جەڭىلدەتۋ جۇمىستارى جۇرگىزىلىپ كەلەدى. كەشەدەن باستاپ ءبىرقاتار نىسانداردىڭ جۇمىسىنا رۇقسات بەرىلدى.
بۇل جەڭىلدەتۋ شارالارى ىندەتتىڭ جويىلعاندىعىن بىلدىرمەيدى. حالىقتىڭ، تۇرعىنداردىڭ دەنساۋلىعىنا ءالى دە ءقاۋىپ بار. سوندىقتان، كۇندەلىكتى ومىردە ساقتىق شارالارىن قاتاڭ ۇستانعان ءجون. وزدەرىڭىزدىڭ، جاقىندارىڭىزدىڭ دەنساۋلىعى ەڭ الدىمەن، وزىڭىزگە بايلانىستى جانە ونى بارلىعى جاۋاپكەرشىلىكپەن سەزىنۋى كەرەك.
ءبىراق، ەنگىزىلگەن شەكتەۋ شارالارىنا سالعىرتتىق تانىتىپ، سانيتارلىق تالاپتاردى ورىنداماي، سالعىرتتىق تانىتىپ جۇرگەن ازاماتتار دا بار. بۇنداي ازاماتتارعا ءتيىستى اكىمشىلىك شارا الىنۋى ءتيىس.
اقتاۋ، جاڭاوزەن قالالارى مەن بەينەۋ اۋدانىندا دا كارانتين رەجيمى تولىعىمەن الىنعان جوق. قازىرگى تاڭدا، ءبىرقاتار كاسىپكەرلىك نىسانداردىڭ جۇمىسىنا رۇقسات بەرىلىپ، كەيبىر شەكتەۋلەرگە وزگەرىستەر ەنگىزىلگەنىمەن، ىندەتكە قارسى شارالار قاتاڭ ساقتالۋى مىندەتتى،-دەدى س.ترۇموۆ.
پىكىر قالدىرۋ