مۇناي كومپانيالارىندا جۇمىسشىلار قىسقارتىلمايدى. 

ماڭعىستاۋ وبلىسىنىڭ اكىمى سەرىكباي ترۇموۆ "قازمۇنايگاز "ۇك" اق باسقارما ءتوراعاسى اليك ايداربايەۆپەن كەزدەستى. ۇلتتىق كومپانيانىڭ ەنشىلەس كاسىپورىندارى باسشىلارىنىڭ قاتىسۋىمەن وتكەن جيىندا ايماقتاعى كوروناۆيرۋسقا قارسى ءىس-شارالاردىڭ جانە ايماقتاعى وندىرىستىك قىزمەتكەرلەردىڭ جۇمىس ورىندارىن ساقتاپ قالۋ ماسەلەلەرى تالقىلاندى.
بۇگىنگى كۇنى وبلىستىڭ مۇناي كەن ورىندارىندا جاعداي تۇراقتى. قارجى ماسەلەسىن تۇراقتاندىرۋ جانە نارىقتىق احۋالدىڭ تەرىس اسەرى بولماس ءۇشىن "قازمۇنايگاز" اق داعدارىسقا قارسى باعدارلاماسىن ازىرلەندى.

ول كومپانياعا شىعىنداردى ازايتۋعا مۇمكىندىك بەرەدى جانە داعدارىستان كەيىنگى كەزەڭدە جوعارى كورسەتكىشكە قول جەتكىزۋ ءۇشىن جاسالعان. قازىرگى جاعدايدا قازمۇنايگازدىڭ ءبىرىنشى كەزەكتەگى ماقساتى قىزمەتكەرلەردىڭ دەنساۋلىعى مەن ءال-اۋقاتىنا نازار ادارۋ. كومپانيا جۇمىسىنىڭ كۇردەلى كەزەڭىنە قاراماستان، ماڭعىستاۋ كەن ورىندارىندا پەرسونالدىردىڭ قىسقارۋى بولمايدى.
قازىرگى جاعداي كۇردەلى. ونى قالىپتى دارەجەدە ۇستاپ تۇرۋ ءۇشىن جەدەل ءتيىستى شارالار قابىلداۋ قاجەت. شۇعىل تۇردە جۇمىستى قايتا قۇرۋ جانە داعدارىسقا قارسى باعدارلامانى قابىلداۋ وتە ماڭىزدى. وسى ورايدا اتالعان ماسەلەنى رەتتەيتىن ءۇش ماقسات كوزدەلدى. ولار:
ءبىرىنشى، تىعىرىقتان جول تابۋ.
ەكىنشى، شىعىندارىمىزدى تابىسپەن سايكەستەندىرۋ.
ءۇشىنشى، ەرتەڭگى كۇندى ويلاۋ، ياعني، پوستكريزيستىك كەزەڭدە جۇمىستى ءتيىمدى قۇرۋ.
-«مىنە، وسى ءۇش باعىت بويىنشا ءبىز بىرلەسىپ جۇمىس ىستەۋىمىز كەرەك.
ول ءۇشىن ءبىز ءبىرىنشى كەزەكتە نە ىستەدىك؟ بيپي، شەلل، توتال، ەكسون موبيل دەگەن حالىقارالىق گيگانت كومپانيالار سياقتى، ءبىز دە شىعىنداردى ازايتۋدى باستادىق. بۇگىنگى تاڭدا ءبىز شىعىنداردى 146 ملرد تەڭگەگە قىسقارتتىق. سونىڭ ىشىندە كۇردەلى شىعىنداردى 103 ملرد تەڭگەگە، وپەراسيالىق شىعىنداردى - 26 ملرد تەڭگە، اكىمشىلىك شىعىنداردى - 17 ملرد تەڭگەگە ازايتتىق.
ءالى دە قىسقارتامىز. «قازمۇنايگازدىڭ» ورتالىق اپپاراتىندا كوپتەگەن وزگەرىستەر جاسادىق. ورگسترۋكتۋرانى قايتا قاراپ، پەرسونال سانىن 34 پايىزعا قىسقارتتىق. وزدەرىڭىز بىلەسىزدەر، بۇرىن بىزدە 22 باسقارۋشى (ۋپراۆليايۋششيي) ديرەكتور بولاتىن. ءقازىر بىرەۋى دە جوق. 60 دەپارتامەنت بولاتىن، ولاردى دا قىسقارتىپ-قىسقارتىپ، 20-سىن قالدىردىق.
كومپانيا باسشىلارىنىڭ جالاقىسى 30 پايىزعا قىسقاردى. ورتا دەڭگەيدەگى باسشىلاردىڭ جالاقىسى 20 پايىزعا قىسقاردى. ال قالعان قىزمەتكەرلەردىڭ جالاقىسى وزگەرىسسىز قالدى.
ودان بولەك، ءبىز پرەميادان باس تارتتىق. جىل سوڭىنا دەيىن قالعان توعىز ايدا ەشقانداي پرەميا، ەشقانداي بونۋس بولمايدى.
وسىنىڭ ءبارىن قوسقاندا، ءبىزدىڭ باسشىلاردىڭ تابىسى 50 پايىزعا قىسقاردى. وسىلايشا، ءبىز فوت بويىنشا 5 ملرد تەڭگە ەكونوميا جاسادىق. الايدا، ءبىز وندىرىستىك پەرسونالدى قىسقارتايىن دەپ جاتقان جوقپىز. ەنشىلەس كومپانيالارعا قاتىستى. مەن ايتقانداي، ءوندىرىس پەن پەرسونالدىڭ جۇمىسپەن قامتىلۋىنا اسەر ەتپەيتىن بارلىق شىعىندار قىسقارتىلدى. جاعدايعا بايلانىستى ءبىز قانداي شىعىنداردى وڭتايلاندىرۋعا بولاتىنىن ودان ءارى قارايمىز. قىسقارتۋعا وندىرىستىك پەرسونالدىڭ ۇمتىلامىز. بۇل ءبىزدىڭ باستى مىندەتىمىز – جۇمىس ورىندارىن ساقتاۋ.
بىرلەسكەن كۇش-جىگەرىمىزبەن بارلىق قيىندىقتاردى ەڭسەرەمىز دەپ سەنەمىن"، - دەپ اتاپ ءوتتى اليك ايداربايەۆ.
الەمدەگى ەپيدەميولوگيالىق جاعداي ناشارلاي باستاعاننان كەيىن كومپانيا داعدارىستىق جاعدايلاردى باسقارۋ بويىنشا كوماندا جاساقتاپ جاعدايدىڭ تۇراقتى مونيتورينگى ءۇشىن جەدەل شتاب قۇردى. بارلىق كاسىپورىنداردا كۇشەيتىلگەن سانيتارلىق رەجيمگە كوشتى، جەكەلەگەن قىزمەتكەرلەر قاشىقتىقتان جۇمىس رەجيمگە اۋىستىرىلدى، ۆاحتا مەرزىمىن ۇزارتۋ مەن باسقا دا ءىس-شارالاردى قامتيتىن قاتاڭ پروفيلاكتيكالىق ءىس-شارالار جۇزەگە اسىرىلدى.
سونداي اق، مۇناي كومپانيا باسشىلارى ۆاحتاشىلار بۇرىنعى 15/15 جۇمىس كەستەسىنە قايتا ورالعىسى كەلەتىنىن العا تارتتى. ءوڭىر باسشىسى ۆاحتا كەستەسىنىڭ بۇرىڭعى قالپىنا كەلتىرۋ ۇسىنىسىن قاراستىراتىن ايتتى.