Google كومپانياسى جۇڭگو حاكەرلەرى اقش پرەزيدەنت سايلاۋىنا بايلانىستى حاكەرلىك شابۋىل جاساعانىن ايتتى. بۇل تۋرالى قامشى ءتىلشىسى Politico باسىلىمىنا سىلتەمە جاساپ حابارلايدى.
– جاقىندا قىتايلىق جانە يراندىق حاكەرلەر اقش پرەزيدەنتتىك سايلاۋ ناۋقانىنا جاۋاپتى قىزمەتكەرلەردىڭ ەلەكتروندىق پوشتالارىن نىساناعا الدى، – دەپ حابارلادى Google كومپانياسىنىڭ جوعارى لاۋازىمدى قىزمەتكەرى بەيسەنبىدە.
Google-دىڭ قاۋىپ-قاتەردى تالداۋ توبىنىڭ جەتەكشىسى شەين ءحانتليدىڭ سوزىنە قاراعاندا، قىتايدا ورنالاسقان حاكەرلەر دجو بايدەننىڭ سايلاۋ ناۋقانىنا قاتىستى قىزمەتكەرلەردىڭ شوتتارىن بۇزۋعا تىرىسقان، ال يراندىق حاكەرلەر ترامپتىڭ سايلاۋ ناۋقانىنا قاتىستى جاۋاپتىلاردىڭ اقپاراتىنا زيان كەلتىرمەك بولعان.
– ءبىز قولدانۋشىلارعا مەملەكەتتىك شابۋىل تۋرالى ەسكەرتۋ جىبەردىك جانە ءبىز فەدەراسيانىڭ قۇقىق قورعاۋ ورگاندارىنا جۇگىندىك، – دەپ جازدى حانتلي.
بۇل پرەزيدەنت سايلاۋ ناۋقاندارىنىڭ حاكەرلىك شابۋىلعا ۇشىراۋى تۋرالى بيىل بولعان سوڭعى وقيعا.
قازان ايىندا مايكروسوفت يران ۇكىمەتىمەن بايلانىسقان حاكەرلەر اقش پرەزيدەنت سايلاۋىنىڭ ۇگىت-ناسيحاتىنا بايلانىستى ادامداردىڭ شوتىنا شابۋىل جاساعانىن حابارلاعان.
پىكىر قالدىرۋ