ماڭعىستاۋ ديزاينەرلەرى العاش رەت دۋباي قالاسىندا ءسان كورسەتىلىمىن ۇيىمداستىردى.
2020 جىلدىڭ 14 ناۋرىز كۇنى بىرىككەن اراب امىرلىكتەرىنىڭ دۋباي قالاسىندا Fella Fashion Show Dubai ءسان كورسەتىلىمى ءوتتى. جوبانىڭ ۇيىمداستىرۋشىسى - «PR agency of Yerlan Yerubayev»، اگەنتتىكتىڭ نەگىزىن قالاۋشى - ەرلان ەرۋبايەۆ.
جوبانىڭ ماقساتى – وزگە ۇلت وكىلدەرىن قازاق مادەنيەتىمەن تانىستىرۋ، تاجىريبە الماسۋ، سونىمەن قاتار العاش رەت حالىقارالىق دەڭگەيدە قازاقستان اتىنان ءسان كورمەسىن ۇيىمداستىرۋ بولاتىن. ەرلان ەرۋبايەۆتىڭ ايتۋىنشا، قازاقستان تاريحىندا العاش رەت «PR agency of Yerlan Yerubayev» حالىقارالىق دەڭگەيدە دۋبايدا ءسان كورسەتىلىمىن ۇيىمداستىرا الدى. بۇعان دەيىن بىردە-بىر اگەنتتىك مۇنداي شارالاردى ۇيىمداستىرعان ەمەس. كورسەتىلىمدى وتكىزۋگە ءباا مادەنيەت مينيسترلىگى رۇقسات بەردى، وسىعان بايلانىستى ارنايى ليسەنزيا دا بەرىلگەن.
مەن ءوزىم بىرنەشە رەت شوۋمەن بىرگە بارۋعا تىرىستىم، ءبىراق ناتيجە بولمادى. تەك ۇيىمداستىرۋشى ەرلان ەرۋبايەۆتىڭ، ونىڭ تاباندىلىعىنىڭ ارقاسىندا عانا ءبىز كوماندا جانە قاتىسۋشىلار رەتىندە وسى كەرەمەت جوباعا قاتىستىق. ەرلان ەرۋبايەۆ اتاقتى ادامدارمەن جانە بەلگىلى تۇلعالارمەن كەلىسىپ، ولاردى شوۋعا شاقىرا الدى. تاڭقالارلىعى، ولاردىڭ بارلىعى ونىڭ ۇسىنىسىن قابىلدادى. ارينە، مۇنى ءبىز جەلتوقسان ايىندا جوسپارلاعان بولاتىنبىز، ساپار الدىندا كوپتەگەن كەدەرگىلەر بولعان، ءبىراق ءبىز قانداي بولماسىن بارۋعا بەل بۋدىق. ءبىز ابىرويمەن ونەر كورسەتىپ، ءوز ەلىمىزدى جانە ماڭعىستاۋدى تانىتتىق، – دەدى «نۇرشاح» برەندىنىڭ نەگىزىن قالاۋشى نۇرجامال نۇرپەيىسوۆا.
قازاقستان اتىنان ماڭعىستاۋ وبلىسىنىڭ ماقتانىشى نۇرجامال نۇرپەيىسوۆا ۇسىنعان «نۇر شاح» برەندى، سونداي-اق ايجان سەمبيگالييەۆا ۇسىنعان «جاداعاي» برەندى بولدى. جانە تۇركيادان ءوز ەلىندە ايگىلى سانالاتىن «ZUM Fashion» برەندى، ءباا اتىنان ءباا نارىعىندا 30 جىل بويى ەڭبەك ەتىپ جاتقان تانىمال دۋباي ديزاينەرى مونا المانسۋري قاتىستى.
«جاداعاي» برەندى دۋباي قالاسىندا ەتنيكالىق ستيلدە، بارلىعى تەك قانا تۇيە جۇننەن دايىندالعان سىرت كيىم ۇلگىلەرىن كورسەتتىك. سىرت كيىمدەر قازاق حالقىنىڭ ەجەلگى تاريحىن جانە مادەني قۇندىلىقتارىن ساقتاي وتىرىپ كورسەتىلىمگە ۇلكەن دايىندىقپەن قاتىستىق. كورسەتىلىمنەن كەيىن كەلگەن قوناقتار جەكە كەلىپ حابارلاسىپ كيىمدەردى ۇستاپ كورىپ سۋرەتكە، ۆيدەوعا ءتۇسىرىپ قىزىعۋشىلىعىن كورسەتتى. سول جەردەن ەكى جاداعايدى ساتىپ الدى. مەن بۇل كورسەتىلىمگە قاتىسقانىما وتە قۋانىشتىمىن. ماڭعىستاۋدا وندىرىلمەي جاتقان تۇيە ءجۇنى وندىرىسىنە از دا بولسا ۇلەسىمدى قوسسام دەگەن ارمانىم ورىندالىپ جاتقانىنا كوزىمدى جەتكىزگەندەي بولدىم»، - دەدى «جاداعاي» برەندىنىڭ نەگىزىن قالاۋشىسى ايجان سەمبيگالييەۆا.
پىكىر قالدىرۋ