بەينەۋ اۋدانىندا 32 كوپ قاباتتى ءتۇرعىن-ۇي جوندەۋدەن وتەدى.

بۇل تۋرالى ماڭعىستاۋ وبلىستىق قوعامدىق كوممۋنيكاسيا ورتالىعىندا وتكەن بريفينگتە بەينەۋ اۋدانى اكىمىنىڭ ورىنباسارى بەكزات ءازىرحانوۆ ايتتى.
جۇمىسپەن قامتۋدىڭ 2020-2021 جىلدارعا ارنالعان جول كارتاسى باعدارلاماسى اياسىندا بەينەۋ اۋدانىندا قۇنى 2 ملرد. 48 ملن. 451 مىڭ تەڭگە بولاتىن 13 جوبانى جۇزەگە اسىرۋ جوسپارلاندى، ونىڭ ىشىندە جەرگىلىكتى بيۋدجەتتىك باعدارلامالار بويىنشا قۇنى 2 ملرد. 38 ملن. 51 مىڭ تەڭگە بولاتىن 12 جوبا، وبلىستىق بيۋدجەتتىك باعدارلامالار بويىنشا قۇنى 10،4 ملن. تەڭگە بولاتىن 1 جوبا. جوبالاردىڭ ىشىندە 5 جوبا ينۆەستيسيالىق جوبالار (قۇرىلىس جۇمىستارى)، قۇنى 986،4 ملن. تەڭگە، 8 جوبا ورتاشا جانە اعىمداعى جوندەۋ جۇمىستارى، قۇنى 1 ملرد. 62 ملن. تەڭگە. جوبالاردى جۇزەگە اسىرۋ كەزەڭىندە اۋدان كولەمىندە 551 جاڭا جۇمىس ورىندارى قۇرىلادى. بارلىق جوبالار بويىنشا مەملەكەتتىك ساتىپ الۋ پروسەدۋرالارى تولىقتاي اياقتالدى. الەۋەتتى ءونىم بەرۋشىلەردىڭ 85% جەرگىلىكتى شاعىن كاسىپكەرلىك وكىلدەرى.
-«اۋدان ورتالىعىنداعى كوپ قاباتتى تۇرعىن ۇيلەردىڭ شاتىرىن جانە قاسبەتىن جوندەۋ 2019 جىلعى 26 جەلتوقسانداعى تۇرعىن ءۇي كوممۋنالدىق شارۋاشىلىق ماسەلەلەرى بويىنشا زاڭدىلىققا وزگەرىستەر مەن تولىقتىرۋلار ەنگىزىلگەننەن كەيىن مۇمكىن بولىپ وتىر. اۋدان ورتالىعىنداعى كوپ قاباتتى ۇيلەردىڭ العاشقىلارىنىڭ پايدالانۋعا بەرىلگەنىنە 40-45 جىلداي ۋاقىت ءوتتى، بۇل ۋاقىت ارالىعىندا كوپ قاباتتى ۇيلەرگە كۇردەلى جوندەۋ جۇمىستارى جۇرگىزىلگەن جوق، قازىرگى ۋاقىتتا كوپ قاباتتى ۇيلەر شاتىرلارىنىڭ توزىعى جەتكەن، جاۋىندى كۇندەرى سۋ ءوتۋ ماسەلەسىمەن قاتار، قاۋىپسىزدىك جانە كوشە كەلبەتىن بۇزۋ ماسەلەلەرى دە بار. اكىمنىڭ ەسەپ بەرۋ كەزدەسۋلەرىندە دە، الەۋمەتتىك جەلىلەردە دە، جەكە قابىلداۋدا دا حالىق تاراپىنان بۇل ماسەلە ءجيى كوتەرىلەتىن وزەكتى ماسەلەلەردىڭ ءبىرى رەتىندە قارالاتىن. كوپ قاباتتى تۇرعىن ۇيلەردىڭ شاتىرىن جانە قاسبەتىن اعىمداعى جوندەۋ جۇمىستارى بويىنشا 4 جوبادا 32 كوپ قاباتتى تۇرعىن ءۇي قامتىلادى. جوبالاردىڭ ناتيجەلى جۇزەگە اسىرىلۋىمەن اۋدان ورتالىعىنداعى بارلىق كوپ قاباتتى تۇرعىن ءۇيدىڭ شاتىرلارى زامانۋاي ءتۇرلى ءتۇستى تەمىر شاتىرلارعا اۋىستىرلاتىن بولادى»،-دەدى بەينەۋ اۋدانى اكىمىنىڭ ورىنباسارى بەكزات ءازىرحانوۆ.
اۋدان ورتالىعىندا سالىستىرمالى تۇردە گازداندىرۋ، ەلەكترلەندىرۋ، اۋىز سۋ ماسەلەسى شەشىلگەن. ەندىگى وزەكتى ماسەلەنىڭ ءبىرى اۆتوموبيل جولدارىن جوندەۋ. سول سەبەپتى جول كارتاسى باعدارلاماسىنا بولىنگەن قارجىنىڭ ۇشتەن ءبىر بولىگىن اۆتوموبيل جولدارىن جوندەۋ جۇمىستارىنا باعىتتالعان. اۆتوموبيل جولدارىن ورتاشا جوندەۋ، جاڭا جولدار سالۋ جۇمىستارى كەزەڭ-كەزەڭىمەن ىسكە اساتىن بولادى.
سونىمەن قاتار اقجىگىت، ەسەت اۋىلدارىنا ەلەكتر جەلىلەرىن تارتۋ جۇمىسى، اۋدان ورتالىعىنداعى حالىققا قىزمەت كورسەتۋ ورتالىعى عيماراتىن جوندەۋ جۇمىسى جانە تاۋەلسىزدىك الاڭىن اباتتاندىرۋ جۇمىستارى بار.
-«وزدەرىڭىز بىلەتىندەي كەلەسى جىلى تاۋەلسىزدىك تۋىنىڭ كوتەرىلگەنىنە 30 جىل تولماق، سوعان وراي اۋدان ورتالىعىنداعى تاۋەلسىزدىك الاڭىن اباتتاندىرۋدى، برۋسچاتكا توسەۋ جۇمىستارى قوسىلعان بولاتىن. جول كارتاسى باعدارلاماسى اياسىندا جۇزەگە اسرىلاتىن جوبالار ىشىندە اباتتاندىرۋ باعىتىنا باعىتتالعان تەك وسى جوبا، قالعان جوبالار حالىقتىڭ الەۋمەتتىك ماسەلەلەرىن شەشۋگە باعىتتالعان جوبالار»،-دەدى بەينەۋ اۋدانى اكىمىنىڭ ورىنباسارى بەكزات ءازىرحانوۆ.
قازىرگى تاڭدا بارلىق جوبالار بويىنشا جۇمىستار باستالدى. 551 جاڭا جۇمىس ورىندارى قۇرىلدى. اۋداندىق جۇمىسپەن قامتۋ ورتالىعى ارقىلى 275 كونتينگەنت مىندەتتى جۇمىسقا تارتىلۋ قاجەت. قازىرگى تاڭدا تارتىلعان كونتينگەنت سانى 279، جوسپار 101،5 پروسەنت ورىندالدى. جۇمىسقا تارتىلعان ازاماتتاردىڭ ءبىر ايلىق جالاقىسى 85 - 150 مىڭ تەڭگە ارالىعىندا. سەكسەن بەس مىڭ تەڭگە جالاقى ەڭ تومەنگى لاۋازىم يەلەرى كىشى جۇمىسشىلارعا بەلگىلەنسە، ءتيىستى مامان لاۋازىمىنان جوعارى بارلىق ماماندىقتاردىڭ جالاقىسى 150 مىڭ تەڭگەدەن تومەن ەمەس. كىشى جۇمىسشىلارعا سەكسەن بەس مىڭ تەڭگە جالاقى بەلگىلەنۋدىڭ باستى سەبەبى اۋدانداعى جالاقى تولەۋ تەپە-تەڭدىگىن ساقتاۋ ماقساتىندا، ويتكەنى اعىمداعى كەزەڭدە ءبىر ايلىق جالاقىسى 42،5 مىڭ تەڭگە بولاتىن قوعامدىق جۇمىستارعا 418 كونتينگەنت تارتىلعان بولسا، جەرگىلىكتى بيۋدجەت ەسەبىنەن قارجىلاندىرىلاتىن ۇيىمدارداعى قاراۋىل جانە جۇمىسشى لاۋازىمدارىنىڭ جالاقىسى، سايكەسىنشە 67 جانە 55 مىڭ تەڭگە، ءبىر ستاۆكامەن قىزمەت اتقاراتىن ءمۇعالىم جالاقىسى 113 مىڭ تەڭگە بولسا، جەتەكشى مامان - مەملەكەتتىك قىزمەتشى جالاقىسى 145 مىڭ تەڭگە.
الەۋەتتى ءونىم بەرۋشىلەرمەن جالاقىنىڭ كولەمى جونىندە، سونىمەن قاتار جۇمىسپەن قامتۋ ورتالىقتارى ارقىلى جىبەرىلەتىن كونتينگەنت سانى جونىندە كۇردەلى ماسەلەلەر جوق.
مامىر ايىنا جول كارتاسى باعدارلاماسى بويىنشا جوسپارلانعان قارجى 450272،0 مىڭ تەڭگە، يگەرىلگەن قارجى 450272،0 مىڭ تەڭگە، جوسپاردىڭ ورىندالۋى 100 %.