ەكى پوليسەيدىڭ قازاسىنا سوقتىرعان بلوكبەكەتتەگى جول كولىك وقيعاسىنا كىنالى ازات ازاماتوۆ كولىك اپاتىنان 4 كۇن بۇرىن ىشكى ىستەر ورگانىنان شىعىپ كەتكەن، دەپ حابارلادى الماتى قالاسى پوليسيا دەپارتامەنتىنىڭ باسپا ءسوز قىزمەتى.
كۇدىكتى 2014 جىلدىڭ 30 ساۋىرىنەن 2020 جىلدىڭ 21 مامىرى ارالىعىندا پاترۋل پوليسياسىندا پولك ينسپەكتورى بولىپ ىستەگەن. ىشكى ىستەر بولىمىنەن ءوز ەركى بويىنشا كەتكەن.
ازاماتوۆ قىزمەت ەتكەن جىلدارى قىزمەتتىك-اسكەري ءتارتىپتى بۇزعانى، جاۋاپكەرشىلىكتى سەزىنبەگەنى ءۇشىن 4 ەسكەرتۋ العان.
پوليسيا دەپارتامەنتىندەگىلەر جول-كولىك وقيعاسى كەزىندە ول ماس كۇيىندە بولعانىن راستادى. سوت-ناركولوگيالىق ساراپتاما كۇدىكتى اعزاسىنان الكوگولدىك ماستىقتىڭ ورتاشا دەڭگەيىن انىقتاعان.
كۇدىكتى 7 جىلدان 10 جىلعا دەيىن باس بوستاندىعىنان ايىرىلۋى مۇمكىن.
پىكىر قالدىرۋ