ق ر ءبىلىم جانە عىلىم ءمينيسترى اسحات ايماعامبەتوۆ كوروناۆيرۋسقا تەست تاپسىردى، دەپ حابارلادى ۆەدومستۆونىڭ باسپا ءسوز قىزمەتى.
"ءبىلىم جانە عىلىم ءمينيسترى COVID-19 تەست تاپسىرىپ، ناتيجەسى تەرىس شىقتى. اسحات قانات ۇلى بەكىتىلگەن ەرەجەلەرگە سايكەس، وقشاۋلانىپ، بەينەكونفەرەنسيا ارقىلى قاشىقتان جۇمىس ىستەيتىن بولادى"، دەلىنگەن مينيسترلىك تاراتقان حابارلامادا.
سونداي-اق، جامبىل وبلىسىنىڭ اكىمى بەردىبەك ساپاربايەۆتا كوروناۆيرۋسقا تەست تاپسىرىپ، ناتيجەسى تەرىس شىقتى. اكىم قازىرگى ۋاقىتتا وقشاۋلانىپ، بەينەكونفەرەنسيا رەجيمىندە جۇمىسىن جالعاستىراتىن بولادى.
ەسكە سالا كەتەيىك، 12 ماۋسىمدا پرەمەر-مينيستر اسقار مامين جامبىل وبلىسىنا جۇمىس ساپارىمەن بارىپ، قاسىندا دەنساۋلىق ساقتاۋ ءمينيسترى ەلجان ءبىرتانوۆ، ايماعامبەتوۆ جانە ساپاربايەۆ ەرىپ جۇرگەن بولاتىن.
ايتا كەتەيىك، 14 ماۋسىمدا ە. ءبىرتانوۆ كوروناۆيرۋس جۇقتىرعانىن الەۋمەتتىك جەلىدەگى پاراقشاسىندا حابارلاپ، جۇقپالى اۋرۋلار اۋرۋحاناسىنا جاتقىزىلعان بولاتىن.
