قازاقستان پرەزيدەنتى اكىمشىلىگىنىڭ كەلىسىمى بويىنشا جامبىل وبلىسى اكىمىنىڭ ورىنباسارى بولىپ الماس مادييەۆ تاعايىندالدى. ول كاسىپكەرلىك پەن يندۋستريالىق دامۋ، الەۋمەتتىك قورعاۋ جانە جۇمىسپەن قامتۋ، ەڭبەكتى قورعاۋ جانە تابيعي رەسۋرستار سالالارىنا جەتەكشىلىك ەتەدى، دەپ حابارلايدى وبلىس اكىمدىگىنىڭ باسپا ءسوز قىزمەتى.
وسىعان دەيىن بۇل قىزمەتتى كۇنى كەشە شۋ اۋدانىنىڭ اكىمى بولىپ تاعايىندالعان نۇرجان كالەندەروۆ اتقارعان بولاتىن.
الماس وسكەنباي ۇلى مادييەۆ 1972 جىلى جامبىل وبلىسىندا دۇنيەگە كەلگەن. جامبىل جەڭىل جانە تاماق ونەركاسىبى تەحنولوگيالىق ينستيتۋتىن "ينجەنەر-ەكونوميست"، 2000 جىلى ق. ا. ياسساۋي اتىنداعى حالىقارالىق قازاق - تۇرىك ۋنيۆەرسيتەتىن "قۇقىقتانۋ"ماماندىعى بويىنشا بىتىرگەن.
ەڭبەك جولىن 1994 جىلى جامبىل تەحنولوگيالىق ينستيتۋتىنىڭ وقىتۋشىسى بولىپ باستاعان. ءار جىلدارى جامبىل وبلىسى اكىمىنىڭ كومەكشىسى، جامبىل وبلىسى اكىمدىگىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ جەتەكشى مامانى، جامبىل وبلىسى اكىمى اپپاراتىنىڭ قارجى جانە الەۋمەتتىك قورعاۋ ءبولىمىنىڭ مەڭگەرۋشىسى، جامبىل وبلىسى اكىمدىگىنىڭ ەكونوميكا جانە بيۋدجەتتىك جوسپارلاۋ، كاسىپكەرلىك جانە ونەركاسىپ باسقارمالارىنىڭ باستىعى قىزمەتتەرىن اتقاردى.
2009-2014 جىلدارى - "وڭتۇستىك "اكك "ۇك" اق قارجى ديرەكتورى، باسقارۋشى ديرەكتورى، باسقارما ءتوراعاسىنىڭ ورىنباسارى، "قازاقستاننىڭ ينۆەستيسيالىق قورى" اق قارجى دەپارتامەنتىنىڭ ديرەكتورى، "پاۆلودار "اكك" ۇك"اق باسقارما ءتوراعاسى.
2014-2017 جىلدارى-جامبىل وبلىسى اكىمدىگىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى، الماتى قالاسى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى.
2017 جىلعى قىركۇيەكتەن 2019 جىلعى اقپانعا دەيىن - الماتى قالاسى اكىمىنىڭ ورىنباسارى، 2019 جىلعى اقپاننان باستاپ شىلدەگە دەيىن - "الماتى" اكك اق باسقارما ءتوراعاسى قىزمەتتەرىن اتقارعان.
2020 جىلعى اقپاننان قازىرگى ۋاقىتقا دەيىن - جامبىل وبلىسى اكىمى اپپاراتىنىڭ باسشىسى بولىپ كەلدى.
پىكىر قالدىرۋ