كوروناۆيرۋس ينفەكسياسىنىڭ اۋرۋ بەلگىلەرى جوق فورماسى وڭ ناتيجە كورسەتكەن جاعدايدا – بۇل شاعىمداردىڭ جانە كلينيكالىق بەلگىلەردىڭ بولماۋى، وكپەنى ينسترۋمەنتالدى (اسپاپتى) كوزبەن شولۋ كەزىندە پاتولوگيالىق وزگەرىستەر بولمايدى.

COVID-19 اۋرۋ بەلگىلەرى جوق فورماسىن جۇقتىرعان ادامدار ينفەكسيانى تاراتۋشى كوزى بولىپ تابىلادى، سونىمەن بىرگە، ولاردا 14 كۇندىك باقىلاۋ كەزىندە كلينيكالىق بەلگىلەر بايقالۋى مۇمكىن.

كوروناۆيرۋس ينفەكسياسىنا دياگنوستيكا ەكى تاسىلمەن جۇرگىزىلەدى: ەسپرەسس-تەستىلەۋ جۇرگىزۋ جانە پتر تەكسەرۋ ارقىلى. ەكسپرەسس تەستتەر قان تاپسىرۋ ارقىلى الىنادى، ال پتر دياگنوستيكالاۋ ءۇشىن مۇرىن قۋىسى مەن جۇتقىنشاقتان بيولوگيالىق ماتەريال الىنادى.

كوروناۆيرۋس ينفەكسياسىنا تەستىلەۋدى كەلەسى زەرتحانالاردا وتۋگە بولادى:

• «ۇلتتىق ساراپتاما ورتالىعى» (جىبەك جولى كوشەسى 3)؛ پتر ادىسىمەن COVID-19 تەستىنىڭ قۇنى – 11 500 تگ، nce.kz سايتى ارقىلى ونلاين تۇردە جازىلۋعا بولادى؛ تەل. 382-35-65
• «Medical Partners Korea Clinic» (MPK) ج ش س وڭتۇستىك كورەيلىك ءموبيلدى سكرينينگ-ورتالىق (ءال-فارابي داڭعىلىنان تومەن، قازىبايەۆ كوشەسىنەن كىرۋگە بولادى، «نۇرلى تاۋ» بو)؛ قىزمەت قۇنى – 15 500 تگ، ونلاين جازىلۋ mpk.kz سايتى ارقىلى جۇرگىزىلەدى، تەل. 355-41-00
• «وليمپ» كلينيكالىق-دياگنوستيكالىىق زەرتحانا، (گاگارين كوشەسى، 236ب، حاليۋللين كوشەسى، 32، بايقازوۆ كوشەسى، 221/155، جاندوسوۆ كوشەسى 1ۆ، سەيفۋللين كوشەسى، 549) پتر ارقىلى تەستتىڭ قۇنى – 15 400 تگ+قان تاپسىرۋ 540 تگ، ونلاين جازىلۋ kdlolymp.kz سايتى ارقىلى جۇرگىزىلەدى؛ 259-79-69
• «مەديكەر» ج ش س (ساتپايەۆ كوشەسى، 18ا)؛ پتر ءادىسى ارقىلى تەستتىڭ قۇنى – 19 000 تگ؛ mediker.kz سايتى ارقىلى ونلاين جازىلۋ جۇرگىزىلەدى؛ 311-51-16

«اتاكەنت» ءقىىو اۋماعىنداعى جاڭا زەرتحانادا كوروناۆيرۋسقا تەستتەن كەلەسى ازاماتتار تەگىن وتە الادى:

• جۇمىسسىزدار؛
• از قامتىلعان جانە كوپبالالى وتباسىلاردىڭ مۇشەلەرى؛
• مۇمكىندىگى شەكتەلگەن ادامدار؛
• ستاسيونارعا جوسپارلى تۇردە جاتقىزىلاتىن پاسيەنتتەر؛
• تىنىس الۋ، ەندوكريندىك جانە جۇرەك قان تامىرلارى جۇيەسى بويىنشا ديناميكالىق باقىلاۋدا تۇرعان 50 جاستان اسقان پاسيەنتتەر.

1. كوروناۆيرۋس ينفەكسياسىنا تەستتەن وڭ ناتيجە العان جاعدايدا جانە اۋرۋ بەرگىلەرى بولماسا تىركەلگەن ەمحاناعا حابارلاسۋ كەرەك نەمەسە ۇيدەن شىقپاي 3000-103 نومەرى ارقىلى call-ورتالىققا حابارلاۋ قاجەت.

اۋرۋ بەلگىلەرى جوق فورمانى جۇقتىرعان ازاماتتار ءۇي جاعدايىندا امسك ۋچاسكەلىك دارىگەرلەرىنىڭ باقىلاۋىندا باس مەملەكەتتىك سانيتار دارىگەردىڭ قاۋلىسىنا سايكەس ەپيدەمياعا قارسى رەجيمدى ساقتاۋ ارقىلى باقىلاۋعا الىنادى.

مەديسينالىق باقىلاۋ كەلەسى الگوريتمگە سايكەس جۇرگىزىلەدى:
• كۇندەلىكتى ەكى رەت قوڭىراۋ شالۋ؛
• جالپى جاعدايىن باعالاۋ، تەمپەراتۋرا، شاعىمدارىن انىقتاۋ (جوتەل، تىنىس الۋىنىڭ قيىنداۋى، السىزدىك، تەرششەڭدىك، ءىشتىڭ كەبۋى، بورتپە، ميالگيا جانە باسقالارى)
• ساتۋراسيا (مۇمكىندىگىنشە)
• قاجەت بولعان جاعدايدا ۆيدەكەڭەس بەرۋ، ءۇش كۇندە ءبىر رەتتەن كەم ەمەس

اۋرۋ بەلگىلەرى جوق ازاماتتار وقشاۋلانۋدىڭ ونىنشى كۇنى مۇرىن قۋىسىنان الىنعان جۇعىندىنىڭ پتر ناتيجەسى بويىنشا ءبىر رەت تەرىس ناتيجە شىقسا، مەديسينالىق باقىلاۋدان الىنادى. پتر ناتيجەسى وڭ شىقسا، مەديسينالىق باقىلاۋ 14 ك.نگە دەيىن سوزىلادى، ودان كەيىن اۋىرعان ادام بەلگىلەرى جوق بولسا، مەديسينالىق باقىلاۋدان الىنادى.

1. كلينيكالىق بەلگىلەرى دامىعان كەزدە (دەنە قىزۋىنىڭ كوتەرىلۋى، جوتەل، تىنىس الۋدىڭ قيىنداۋى) باقىلاۋ كەزىندە ناۋقاس ينفەكسيالىق ستاسيونارعا جولدانادى.

دەنە قىزۋى ءۇش كۇن بويى 38،5°س بولعان، ساتۋراسياسى كەمىندە 95 پايىز بولعان، وكپەنىڭ قابىنۋ بەلگىلەرى بولعان جاعدايدا (ەكى وكپەنىسىنىڭ دە وزگەرىسى 25 پايىز بولعان جاعدايدا) ناۋقاستار اۋرۋحاناعا جاتقىزىلادى.

سونىمەن بىرگە ستاسيونارعا سوزىلمالى اۋرۋلارى بار، سونىمەن بىرگە گەمودياليز شارالارى قاجەت يممۋندىق جەتىسپەۋشىلىگى بار جاسى 65-تەن اسقان ناۋقاستار جولدانادى.

COVID-19 بەلگىلەرى انىقتالعان ازاماتتار جاتاقحانالاردا تۇراتىن بولسا جانە جاستارى 65 اسقان بولسا، ولار دا اۋرۋحاناعا جاتقىزىلۋى ءتيىس.

2. كوروناۆيرۋس ينفەكسياسىنىڭ الدىن الۋ ءۇشىن:
• ادامدار كوپ جينالاتىن ورىنداردان اۋلاق ءجۇرۋ؛
• قوعامدىق ورىنداردا، ءقوعامدىو كولىكتەردە ماسكا تاعۋ
• قولدى تازا ۇستاۋ كەرەك؛
• الەۋمەتتىك قاشىقتىقتى ساقتاۋ كەرەك

سونىمەن بىرگە، كوروناۆيرۋس ينفەكسياسىنىڭ تارالۋ ءقاۋپى الدەقايدا جوعارى ورىندار اتالدى. ولار: كەڭسەلەر، مەكتەپتەر جانە بالالار باقشاسى، تاماقتانۋ ورىندارى مەن باسقا دا جابىق ورىندار.