1952 جىلعى جاڭاوزەن تۇرعىنى كوروناۆيرۋستان قايتىس بولدى، دەپ حابارلايدى ماڭعىستاۋ وبلىسىنىڭ قوعامدىق كوممۋنيكاسيالار ورتالىعى.
ول ءوزىن ءالسىز سەزىنىپ دەنە قىزۋى كوتەرىلگەن سوڭ دارىگەرلەرگە حابارلاسقان. زەينەتكەر 8 ماۋسىم كۇنى اۋرۋحاناعا تۇسەدى. 12 كۇن بويى دارىگەرلەر ناۋقاستىڭ ءومىرىن امان الىپ قالۋ ءۇشىن كۇرەستى. ارنايى كوميسسيا مۇشەلەرى مارقۇمنىڭ Covid-19-دان قايتىس بولعانىن راستادى.
بيىل پاندەميا باستالعالى 3 ايدىڭ ىشىندە COVID-19 ينفەكسياسىن جۇقتىرعان 60 ادام جاڭاوزەن قالالىق كوپبەيىندى اۋرۋحاناسىندا ەمدەلىپ شىقتى. ولاردىڭ باسىم بولىگى جاڭاوزەن قالاسىنىڭ تۇرعىندارى، اراسىندا قاراقيا اۋدانىنىڭ ازاماتتارى دا بار.
21 ماۋسىمداعى جاعداي بويىنشا جاڭاوزەن قالالىق كوپبەيىندى اۋرۋحاناسىنىڭ ينفەكسيالىق گوسپيتالىندە 9 ناۋقاس كوروناۆيرۋستان ەمدەلىپ جاتىر. دارىگەرلەردىڭ مالىمەتى بويىنشا ەكەۋىنىڭ جاعدايى اۋىر، 7 ناۋقاستىڭ جاعدايى ورتاشا اۋىر.
پىكىر قالدىرۋ