تۇركىستان وبلىسى سارىاعاش قالاسىندا ازىق-تۇلىك بۋتيكتەرى ورتەنىپ كەتتى. بۇل تۋرالى توتەنشە جاعدايلار كوميتەتىنىڭ باسپا ءسوز قىزمەتى حابارلادى.
"24 ماۋسىم كۇنى ساعات 04:40-تا تۇركىستان وبلىسى سارىاعاش قالاسىندا «رامازان» سۋارۋ كانالىنىڭ بويىنداعى جالپى اۋماعى 250 شارشى مەتر 9 ازىق-تۇلىك بۋتيگى ورتەنىپ كەتكەن"، دەلىنگەن كوميتەت حابارلاماسىندا.
ءورت سالدارىنان جاقىن ماڭدا تۇرعان «گازەل» ماركالى اۆتوكولىك جانىپ كەتتى. ءورت ساعات 06: 25-تە ءسوندىرىلدى. زارداپ شەككەندەر جوق. ءورتتىڭ شىعۋ سەبەبى انىقتالۋدا. تجد كۇشتەرى مەن قۇرالدارى، كەزەكشى جەدەل تەرگەۋ توبى جالپى سانى 36 ادام مەن 9 تەحنيكا جۇمىلدىرىلدى.
پىكىر قالدىرۋ