شارانىڭ شىمىلدىعى  قازاق ەلىنىڭ تاريحىنان سىر شەرتەتىن جانە جالىندى جاستاردىڭ قارىم-قابىلەتىن تانىتاتىن بەينەۇزىكتەر كورسەتىلىمىنەن جانە زاماناۋي بيمەن اشىلدى.

اشىلۋ سالتاناتىندا  ق ر پارلامەنتى سەناتىنىڭ دەپۋتاتى نۇرلان قىلىشبايەۆ، ق ر پارلامەنتى ءماجىلىسىنىڭ دەپۋتاتتارى زاعيپا بالييەۆا، ومارحان وكسىبايەۆ، ەرسۇلتان بەكتۇرعانوۆ، مارات بوپازوۆتار ءسوز الىپ، سالتاناتتى شارانىڭ اشىلۋىن قۇتتىقتاپ، قازاق ەلىنىڭ جاستارىنا دەگەن سەنىمدەرىن ءبىلدىردى.

– مەملەكەت باسشىسى قاسىم-جومارت توقايەۆ ءوزىنىڭ قازاقستان حالقىنا جولداۋىندا ازاماتتىق قوعامدى نىعايتۋدا ەرىكتىلەردىڭ ورنى ەرەكشە ەكەنىن ايتتى.بۇگىن، مىنە، جەر جانناتى جەتىسۋدا كوڭىلدەن شىققان ءىستىڭ باسىندا جينالىپ وتىرمىز. مەن ءارقاشاندا ەرىكتىلەردىڭ جۇمىسىنا ريزاشىلىعىمدى ءبىلدىرىپ كەلەمىن. بۇگىندە وبلىسىمىزدا 1043 ەرىكتى، 19 ەرىكتىلەر ۇيىمى بار. مەن سولاردىڭ بارىنە وبلىس باسشىسى رەتىندە 2 ميلليوننان استام جەرگىلىكتى حالىقتىڭ اتىنان العىسىمدى ايتقىم كەلەدى، – دەگەن وبلىس اكىمى اماندىق عابباس ۇلى ەرىكتىلەر جىلىنىڭ اشىلۋىمەن كوپشىلىكتى قۇتتىقتاپ، الداعى ۋاقىتتا ولارمەن يگىلىكتى ءىستى ورتاقتاسا اتقاراتىندىعىن ايرىقشا اتاپ ءوتتى.

سونىمەن قاتار ءوڭىر باسشىسى وتكەن جىلدىڭ سوڭىندا الماتى قالاسى ماڭىندا بولعان ۇشاق اپاتىنا دا ەرىكتىلەر ەڭ الدىمەن جەتىپ، ءوز قولدارىنان كەلگەنشە كومەگىن اياماعاندىعىن، سول سەكىلدى ەلدىڭ قۋانىشىنا دا ورتاقتاسىپ كەلە جاتقان ەرىكتىلەر جەتەرلىك ەكەنىن تىلگە تيەك ەتتى.

«تەd-talks» فورماتىندا وتكەن جيىنعا   پاراليمپيادالىق ويىنداردىڭ قاتىسۋشىسى، «قازاقستاننىڭ 100 جاڭا ەسىمى» جوباسىنىڭ جەڭىمپازى سەرىك ەسماتوۆ، ايتىسكەر اقىن، تەلەجۇرگىزۋشى جانداربەك بۇلعاقوۆ، «ەرىكتىلەر ليگاسى» قايىرىمدىلىق قورى ءتورايىمىنىڭ ورىنباسارى كاميلا زەينالوۆا، وبلىس اكىمىنىڭ «كوشباسشى – 2018» جاستار سىيلىعىنىڭ «ۇزدىك ەرىكتى» اتالىمىنىڭ جەڭىمپازى ەرجان داۋلەتبايەۆ، «قازاقستاننىڭ 100 جاڭا ەسىمى» جوباسىنىڭ جەڭىمپازى، اقىن، «جەتىسۋ» گازەتىنىڭ مەنشىكتى ءتىلشىسى ماقپال مىسا، وبلىس اكىمىنىڭ «كوشباسشى – 2019» جاستار سىيلىعىنىڭ «ۇزدىك ەرىكتى» اتالىمىنىڭ جەڭىمپازى جازەل داكۋبايەۆالار ارنايى شاقىرىلعان.

سالتاناتتى شارانىڭ سوڭى ەسترادا جۇلدىزدارىنىڭ قاتىسۋىمەن كونسەرتتىك باعدارلاماعا ۇلاستى.