"Biz Birgemiz" رەسپۋبليكالىق اكسياسىنىڭ ەڭ بەلسەندى قاتىسۋشىسى بولعان الماتى وبلىسىنىڭ 10 ەرىكتىسى بۇگىن تۇڭعىش پرەزيدەنت – ۇلت كوشباسشىسى، "Nur Otan" پارتياسىنىڭ ءتوراعاسى نۇرسۇلتان ءابىش ۇلى نازاربايەۆتىڭ العىس حاتتارىمەن ماراپاتتالدى.

ماراپاتتاردى يەلەرىنە وبلىس اكىمىنىڭ ءبىرىنشى ورىنباسارى ءلاززات تۇرلاشوۆ تابىس ەتتى. 10 ەرىكتى قاتارىندا ادىلبەك اعزامبەكوۆ، اسەل جۇمالييەۆا، ەرجان داۋلەتبايەۆ، ايانا سەرىكوۆا، ءمادي شاكەنوۆ، ايمارال داۋلەتبەك، ءمولدىر ماۋلەت، اباي حاناتقانوۆ، نازەركە بولاتبەكوۆا، جازەل داكۋبايەۆا. ولاردىڭ بارلىعى الەۋمەتتىك ءالجۋاز ساناتتاعى ادامدارعا كومەك كورسەتۋدە بەلسەندىلىك تانىتتى. ەكى ايدان استام ۋاقىت بويى جاستار ازىق-تۇلىك، دارى-دارمەكتەر مەن مۇقتاجدارعا ارنالعان قۇرالداردى الىپ كەلگەن.

- ءقازىر سىزدەردىڭ، اسىرەسە الەمدىك ىندەتپەن كۇرەس جاعدايىندا جاساپ جۇرگەن ەڭبەكتەرىڭىز وراسان زور. بۇل ەڭبەكتەرىڭىز نازاردان تىس قالعان جوق جانە بۇدان بىلاي دا تاسادا قالمايدى. ۇلكەن جۇرەك پەن مەيىربان كوڭىلدەرىڭىز وزگەلەرگە دە،  وزدەرىڭىزگە دە باقىت سىيلادى، - دەدى لاززات تۇرلاشوۆ.  

ءوز كەزەگىندە ەرىكتىلەر ەلباسىنا جانە وبلىس باسشىلىعىنا كوڭىل ءبولىپ، قولداۋ كورسەتكەندەرى ءۇشىن العىسىن ءبىلدىردى.

ەستەرىڭىزگە سالا كەتەيىك،" Biz Birgemiz "رەسپۋبليكالىق اكسياسى اياسىندا بيىلعى جىلدىڭ 19 ناۋرىزى مەن 17 ماۋسىمى ارالىعىندا "باقىتتى وتباسى"، "ارداگەرلەردى ارداقتايىق"، "كەدەرگىسىز كەلەشەك" جوبالارى اياسىندا "Jas Otan" جاستار قاناتىنىڭ بەلسەندىلەرى مەن ەرىكتىلەرى 25 مىڭعا جۋىق ادامعا كومەك كورسەتتى. جالپى سوماسى 253،83 ملن. تەڭگەگە ازىق-تۇلىك جيىنتىعى، جەكە گيگيەنا زاتتارى، انتيسەپتيكالىق قۇرالدار، مەديسينالىق ماسكالار ساتىپ الىندى.

الماتى وبلىسى اكىمىنىڭ باسپا ءسوز قىزمەتى