مەملەكەت باسشىسى قاسىم-جومارت توقايەۆ كوروناۆيرۋستىڭ تارالۋىنا قارسى شارالار قابىلداۋ جونىندە كەڭەس وتكىزدى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
– قاسىم-جومارت توقايەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەستە وزدەرىنە جۇكتەلگەن مىندەتتەردى شالا ورىنداعان ءبىرقاتار شەنەۋنىكتىڭ جۇمىسىن سىنعا الدى. وسىعان بايلانىستى مەملەكەت باسشىسى جۇمىسىنا سالعىرت قاراعانى ءۇشىن شىمكەنت قالاسىنىڭ اكىمى م.ايتەنوۆكە، اقتوبە وبلىسىنىڭ اكىمى و.ورازالينگە، پاۆلودار وبلىسىنىڭ اكىمى ءا.سقاقوۆقا جانە ۆەدومستۆوارالىق كوميسسيانىڭ ءتوراعاسى ە.توعجانوۆقا سوگىس جاريالادى، – دەدى پرەزيدەنتتىڭ باسپا ءسوز حاتشىسى.
سونداي-اق پرەزيدەنت نۇر-سۇلتان قالاسىنىڭ اكىمى ا.كولگىنوۆكە، الماتى قالاسىنىڭ اكىمى ب.ساعىنتايەۆقا، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى ا.جۇماعالييەۆكە ەسكەرتۋ جاسادى.
– اتىراۋ، قوستاناي جانە باتىس قازاقستان وبلىستارىنىڭ اكىمدەرىنە وڭىرلەردەگى احۋالدى رەتتەۋ قاجەتتىگىن ەسكەرتتى. اتالعان ماسەلە بارلىق وبلىستىڭ باسشىلارىنا دا قاتىستى ەكەنىن ايتتى، – دەدى ب. ءۋالي.
پىكىر قالدىرۋ