المالى اۋدانىنىڭ اكىمدىگىندە الماتى قالاسىندا اعىمداعى جىلدىڭ 5 شىلدەسىنەن 20 شىلدەسىنە دەيىنگى كەزەڭدە ەپيدەميولوگيالىق جاعدايدى تۇراقتاندىرۋ ءۇشىن ەنگىزىلەتىن شەكتەۋ شارالارى كەزىندە جۇمىستارىن توقتاتىن نىساندار تۋرالى ايتىلدى.

المالى اۋدانىندا كەلەسى نىسانداردىڭ قىزمەتىنە ۋاقىتشا تىيىم سالىندى:
• ىشتەرىندە ازىق-تۇلىك سۋپەرماركەتتەرى، ءدارىحانالار جانە جازعى تەراسسالارى بار جانە كىرەتىن ەسىگى بولەك ستاسيونارلى تاماقتانۋ نىساندارىنان باسقا، 25 سوو، سو جانە ءسۇ تىيىم سالىنعان؛
• جەڭىل كونسترۋكسيالى شاتىر استىندا ورنالاسقانداردان باسقا، جابىق ازىق-تۇلىكتىك جانە ازىق-تۇلىكتىك ەمەس بازارلار؛
• 19 ءدىني نىسان؛
• 39 كومپيۋتەر كلۋبى؛
• 4 كينوتەاتر؛
• 309 سۇلۋلىق سالونى جانە شاشتارازدار؛
• ويىن-ساۋىق مەكەمەلەرى.

سونىمەن بىرگە، سپا-ورتالىقتار، قوعامدىق مونشالار، ساۋنالار، ماسساج كابينەتتەرىنىڭ قىزمەتى توقتاتىلدى، بارلىق سپورت نىساندارىنا، ءبىلىم بەرۋ ورتالىقتارىنا، بالالاردىڭ تۇزەتۋ كابينەتتەرىنە، مەكتەپكە دەيىنگى مەكەمەلەرگە (كەزەكشى توپتاردان باسقا)، بالالاردىڭ بوس ۋاقىتىن وتكىزۋ جانە قوسىمشا وقىتۋ ورىندارىنا، فۋدكورتتارعا، بانكەت زالدارىنا، اۋماعى 500 شارشى مەتردەن اساتىن ازىق-تۇلىكتىك ەمەس دۇكەندەرگە تىيىم سالىنعان، الايدا تاپسىرىستى جەتكىزىپ بەرۋگە رۇقسات ەتىلگەن.

سونداي-اق، سايران كولىنە سۋعا تۇسۋگە تىيىم سالىنعان.
قىزمەتتەرىنە رۇقسات ەتىلگەن ۇيىمداردىڭ، كاسىپورىنداردىڭ باسشىلارىنا مەنشىك يەسىنىڭ فورماسىنا قاراماستان، نىسانداردا كۇشەيتىلگەن سانيتارلىق-دەزينفەكسيالىق رەجيمدى ورىنداپ، قىزمەتكەرلەردىڭ دە، كەلۋشىلەردىڭ دە سانيتارلى-كارانتيندى جانە شەكتەۋ شارالارىن ساقتاۋىن قامتاماسىز ەتۋ كەرەك.

اۋداندىق اكىمدىكتە حابارلاعانداي، كارانتين كەزىندە جولدىڭ جۇرەتىن بولىگىنە، تروتۋارلارعا، ادامدار كوپ جۇرەتىن ورىندارعا ىرگەلەس ورنالاسقان اۋماقتارعا، سكۆەرلەردەگى ورىندىقتارعا جانە شاعىن ارحيتەكتۋرالىق فورمالارعا، ساياباقتارعا، جاسىل ايماقتارعا، كونتەينەرلى قوقىس الاڭدارىنا، 11 جەراستى جانە 1 جەرۇستى جاياۋ جۇرگىنشىلەردىڭ وتپە جولدارىنا دەزينفەكسيا جۇرگىزىلەدى.

اۋداندا قۇرامىنا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ اۋداندىق باسقارماسىنىڭ، جەرگىلىكتى پوليسيا قىزمەتى جانە اۋداندىق اكىمدىك قىزمەتكەرلەرى ەنگەن ءموبيلدى توپتار سانيتارلى-كارانتين تالاپتارىنىڭ جانە قاتاڭ شەكتەۋ شارالارىنىڭ ساقتالۋىن قامتاماسىز ەتۋ بويىنشا مونيتورينگ جانە باقىلاۋ جۇرگىزەدى.

المالى اۋدانىنىڭ تۇرعىندارىن وقشاۋلانۋ قاعيداسىن، ماسكا رەجيمى مەن الەۋمەتتىك قاشىقتىقتى قاتاڭ ۇستانۋعا شاقىرادى.