پرەمەر-مينيستر اسقار ءماميننىڭ كوروناۆيرۋسقا شالدىققانى تۋرالى اقپارات – جالعان. بۇل تۋرالى ۇكىمەت باسشىسىنىڭ باسپا ءسوز قىزمەتى حابارلادى.
"جەكەلەگەن Telegram-كانالداردا جاريالانعان پرەمەر-مينيستر اسقار ماميندە كوروناۆيرۋس انىقتالعانى جونىندەگى اقپارات فەيك جانە شىندىققا جاناسپايدى.
قازىرگى ۋاقىتتا ۇكىمەت باسشىسى كەستەگە ساي جۇمىسىن جالعاستىرۋدا جانە 10 شىلدە كۇنى مەملەكەت باسشىسىنىڭ قاتىسۋىمەن وتەتىن ق ر ۇكىمەتىنىڭ كەڭەيتىلگەن وتىرىسىنا دايىندىق جۇرگىزۋدە. پرەمەر-مينيستردىڭ باسپا ءسوز قىزمەتى رەسمي دەرەككوزدەردىڭ اقپاراتىنا عانا سەنۋگە شاقىرادى" دەلىنگەن مالىمەتتە.
ايتا كەتەيىك، بۇعان دەيىن قازاقستاندا ەلباسى نۇرسۇلتان نازاربايەۆ، دەپۋتات بەكبولات تىلەۋحان، الماتى وبلىسىنىڭ اكىمى اماندىق باتالوۆ، مەملەكەت باسشىسىنىڭ باسپا ءسوز حاتشىسى بەرىك ءۋالي جانە تاعى باسقا دا شەنەۋنىكتەر ۆيرۋس جۇقتىرعان.
پىكىر قالدىرۋ