قاراعاندىدا 2021 جىلعا قاراي كومىر بايىتۋ فابريكاسى سالىنادى، دەپ حابارلادى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى.
شىعارىلاتىن كومىر كونسەنتراتىنىڭ نەگىزگى تۇتىنۋشىسى "YDD Corporation" ج ش س قاراعاندى فەرروقورىتپا زاۋىتى بولادى. سونداي-اق ءونىمنىڭ ءبىر بولىگىن ەكسپورتقا شىعارۋ جوسپارلانعان، قالعان بولىگى كومپانيانىڭ قاجەتتىلىكتەرى ءۇشىن شيكىزات رەتىندە پايدالانىلادى.
"قازاقستاننىڭ دامۋ بانكى" بۇگىندە "Qaz Carbon" جشس-عا كومىر بايىتۋ فابريكاسىن سالۋ جانە مودەرنيزاسيالاۋعا ارنالعان ءوندىرىس ءۇشىن 7 جىل مەرزىمگە 9 ملرد 24 ملن تەڭگە كولەمىندە نەسيە جەلىسىن اشقان.
جوبانىڭ جالپى قۇنى – 12 ملرد تەڭگە. ينۆەستور ءوز قاراجاتى تاراپىنان 3 ملرد تەڭگە ينۆەستيسيا سالدى، ونىڭ ىشىندە شەتەلدىك ينۆەستيسيالار بار.
بايىتۋ پروسەسى اۆتوماتتاندىرىلىپ، ءوندىرىس باسقارۋ ورتالىعىنان وپەراتور كومەگىمەن جۇرگىزىلەدى.
زاۋىتتىڭ قۋاتتىلىعى ساعاتىنا 300 توننا نەمەسە جىلىنا 1 800 000 توننانى قۇرايدى.
بولاشاق زاۋىتتىڭ كومىر كونسەنتراتىن وندىرۋگە قاراعاندى وبلىسىنىڭ كومىرى پايدالانىلادى.
جوبانى ىسكە اسىرۋ بارىسىندا 110 تۇراقتى جۇمىس ورنى قۇرىلماق. قۇرىلىسقا 500-دەن استام ادام تارتىلادى.
زاۋىتتا شويىن جانە بولاتتان جاسالعان بۇيىمداردىڭ 900 ءتۇرىن، كوكس جانە جارتىلاي كوكس ونىمدەرىن ءوندىرۋ كوزدەلۋدە.
