كوروناۆيرۋسقا قاتىستى احۋال جاقسارماسا ۇكىمەتتىڭ وسى قۇرامدا جۇمىس ىستەۋ مۇمكىندىگى تۋرالى ماسەلە تۋىندايدى. بۇل تۋرالى ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقايەۆ ايتتى.
– قازىرگى ەپيدەميولوگيالىق احۋال قوعامدى اسا قاتتى الاڭداتىپ وتىر. احۋال وتە كۇردەلى. ءبىراق العاشقى وڭ ۇردىستەر دە بايقالۋدا. وتكەن اپتادا مەن ۇكىمەت پەن اكىمدەرگە ءبىرقاتار تاپسىرما بەردىم. مەملەكەتتىك كوميسسيا ءوز جۇمىسىن جانداندىرا ءتۇستى. قالىپتاسقان احۋال ەكى اپتادان كەيىن جاقسارادى دەپ ۇمىتتەنەمىن. ولاي بولماعان جاعدايدا، جالپى ۇكىمەتتىڭ وسى قۇرامدا جۇمىس ىستەۋ مۇمكىندىگى تۋرالى ماسەلە تۋىندايدى، – دەدى مەملەكەت باسشىسى.
پىكىر قالدىرۋ