بەلگىلى بلوگەر، جۋرناليست، ەكونوميست داۋلەت تولەۋتاي ۇلى پرەزيدەنت قاسىم-جومارت توقايەۆقا ۆيدەوۇندەۋ جولدادى. ول حالىقتىڭ جيناعان اقشاسىنا الىنعان 125 تىنىس الۋ اپپاراتىن سك فارماسيا تاراتۋىنا قارسىلىعىن ءبىلدىردى.
"قۇرمەتتى ەل پرەزيدەنتى قاسىم-جومارت كەمەل ۇلى!
مەن داۋلەت تولەۋتاي ۇلى بلوگەر، جۋرناليست، ەكونوميست. جالپى ءبىز ءوز وقىرماندارىمىزبەن، اينۇر تۇرسىنبايەۆا قورى، ەلميرا ەشنيازوۆا، جانات باقىت سەكىلدى قوعام بەلسەندىلەرىمەن بىرىگىپ 125 وتتەكتى اپپاراتقا ءبىر تاۋلىكتىڭ ىشىندە اقشا جيناعان ەدىك. ءقازىر ول تۇركيادا تۇر. بەرى قاراي كەلەيىن دەسە ونى ءبىر عانا وپەراتور سك فارماسيا قابىلداپ، تاراتۋ كەرەك ەكەن. مەنىڭ سالعان جازباما سەنات دەپۋتاتى دانا نۇرجىگىت اراشا ءتۇسىپ، ۆيسە-مينيستر ليۋدميلا ۆيتاليەۆنا حابارلاستى. ول ماعان ەلدەگى زاڭداردى ءتۇسىندىردى، ياعني زاڭ اياسىندا سول سك فارماسيا قابىلدايدى ەكەن نەمەسە ءاربىر ەلدى مەكەننىڭ اكىمشىلىگىمەن ءبىز كەلىسىمشارتقا وتىرۋىمىز كەرەك ەكەن. قۇرمەتتى پرەزيدەنت مىرزا، مۇنىڭ بارلىعى ۋاقىتتى الادى. بۇل بيۋروكراتيا. سك فارماسيا حالىقتىڭ سەنىمەن ايىرىلىپ وتىر، ولارعا جەتكەن گۋمانيتارلىق كومەكتەردىڭ بارلىعى ءوزىڭىز كورگەندەي ەكى-ۇش اي بويى قويمادا جاتىر حالىققا جەتپەي. سوندىقتان حالىقتىڭ ەشقايسىسى سەنبەيدى" دەلىنگەن ۇندەۋدە.
ەسكە سالساق، وسىدان بۇرىن ايتىسكەر اقىن اينۇر تۇرسىنبايەۆادا پرەزيدەنت قاسىم-جومارت توقايەۆقا ۇندەۋ جولداعان بولاتىن.
پىكىر قالدىرۋ