كەشە، 15 شىلدە كۇنى تۇركىستان وبلىسى اكىمىنىڭ ءبىرىنشى ورىنباسارى قوسمان ايتمۇحامەتوۆ قايتىس بولدى. بۇل تۋرالى وبلىس اكىمىنىڭ ورىنباسارى ساكەن قالقامانوۆ Facebook پاراقشاسىندا جازدى. 

57 جاستاعى ايتمۇحامەتوۆتىڭ ولىمىنە كوروناۆيرۋس سەبەپ. بۇل اقپاراتتى قازاقستان قاۋىپسىزدىك كەڭەسىنىڭ حاتشىسى اسەت يسەكەشيەۆ حابارلادى.

“وكىنىشكە قاراي، كوروناۆيرۋس قۇرباندارى كۇن سايىن ارتىپ كەلەدى. تۇركىستان وبلىسى اكىمىنىڭ ءبىرىنشى ورىنباسارى، اقمولا وبلىسىنىڭ بۇرىنعى اكىمى جانە استانا قالاسى اكىمىنىڭ بۇرىنعى ورىنباسارى قوسمان قايىرتاي ۇلى ايتمۇحامەتوۆ ومىردەن ءوتتى. مەن ونىمەن استانا اكىمدىگىندە بىرگە جۇمىس ىستەپ ەدىم” دەپ جازدى يسەكەشوۆ Facebook پاراقشاسىندا.

قوسمان ايتمۇحامەتوۆ 1963 جىلى 29 تامىزدا اقمولا وبلىسى بەستوبە اۋىلىندا دۇنيەگە كەلگەن. اقمولا ينجەنەرلىك قۇرىلىس ينستيتۋتىن “ينجەنەر-مەحانيك” ماماندىعى بويىنشا (1986 جىل)، قازاق گۋمانيتارلىق زاڭ ۋنيۆەرسيتەتىن “زاڭگەر” ماماندىعى بويىنشا (2006 جىل) ءتامامداعان.

تۇركىستان وبلىسى اكىمىنىڭ ءبىرىنشى ورىنباسارى بولىپ 2019 جىلدىڭ اقپانىندا تاعايىندالعان. وعان دەيىن بەس جىلعا جۋىق استانا قالاسى اكىمىنىڭ ورىنباسارى بولعان.

بۇعان دەيىن دە قازاقستاندا بىرنەشە شەنەۋنىك كوروناۆيرۋس جانە پنيەۆمونيا اۋرۋىنان قايتىس بولعان. ولاردىڭ اراسىندا قورعانىس ۆيسە-مينيسترى باقىت قۇرمانبايەۆ، الماتى وبلىسى اكىمىنىڭ ورىنباسارى سەرىكجان بەسكەمپىروۆ، اقتاۋ قالاسى اكىمىنىڭ ورىنباسارى گۇلجازيرا الداشيەۆا بار.