ءماجىلىس دەپۋتاتى يرينا سميرنوۆا مەديسينالىق ساقتاندىرۋ قورىنىڭ باسشىلىعى جەكەمەنشىك اۋرۋحانالاردىڭ تەگىن جۇمىس ىستەۋىنە رۇقسات بەرمەي جاتقانىنا نارازىلىق ءبىلدىردى. بۇل تۋرالى ول ءوز Facebook پاراقشاسىندا جازدى.
"دوستار سىزدەر تەگىن رەجيمدە جۇمىس ىستەۋگە دايىن تۇرعان جەكەمەنشىك اۋرۋحانالاردىڭ بار ەكەنىن بىلەسىزدەر مە؟ مەديسينالىق قىزمەتكەرلەرىمەن، بارلىق قاجەتتى قۇرالدارىمەن، ارنايى جەلدەتكىشتەرىمەن، جانساقتاۋ جانە حيرۋرگيالىق بولمەلەرىمەن، ەپيدوميولوگيالىق تالاپتاردىڭ بارلىعى ساقتالعان، ليسەنزياسى بار تولىق جابدىقتالعان وسىنداي اۋرۋحانا جەرگىلىكتى مەديسينالىق ساقتاندىرۋ قورىنىڭ قولداۋىنا يە بولا الماعان.
رۇقسات بەرمەي جاتىر بولدى.
قالا اكىمى دە جۇمىس جاساي بەرسىن دەيدى. سەس جانە مينيستر قولداۋ كورسەتىپ وتىر. تەك مەديسينالىق ساقتاندىرۋ قورى كەلىسىمشارتقا قول قويعىسى كەلمەيدى. ال بۇل ۋاقىتتا ادامدار قىرىلىپ جاتىر.
باقىتجان ساعىنتايەۆ الماتى مەديسينالىق ساقتاندىرۋ قورىنىڭ باسشىسى لاۋازىمىن تولىقتاي تەكسەرۋىڭىزدى سۇرايمىن. ءدال وسى ۋاقىتتا دايىن تۇرعان كلينيكانى جابىق ۇستاۋ قىلمىس!" دەلىنگەن جازبادا.
"بۇيرىق اكىمدىكپەن كەلىسىلدى جانە قازىرگى ۋاقىتتا ادىلەت مينيسترلىگىنىڭ جاۋابىن كۇتىپ وتىر. قور كورونوۆيرۋسپەن كۇرەس ءۇشىن كەز كەلگەن اۋرۋحانالارمەن كەلىسىمشارتقا وتىرۋعا دايىن، جەكەمەنشىك بولسا دا. ەڭ باستىسى جەرگىلىكتى دەنساۋلىق ساقتاۋ باسقارماسى كەلىسىم بەرسە بولدى" دەپ مالىمدەدى مەديسينالىق ساقتاندىرۋ قورىنىڭ باسقارۋشى ديرەكتورى دوسىم ەنكەبايەۆ.
پىكىر قالدىرۋ