COVID-19 اۋرۋىنا قارسى «ءدارى» رەتىندە كوبەيتۇز كولىنىڭ تۇزىنىڭ كەلىسى الەۋمەتتىك جەلىدە 5 مىڭ تەڭگەدەن ساتىلىپ جاتىر. بۇل تۋرالى قازاقپارات حابارلادى.

"كوبەيتۇزدىڭ تۇزىن ساتامىن. كەلىسى – بەس مىڭ تەڭگە. كوپتەگەن اۋرۋعا ەم. كوروناۆيرۋس پەن ءىش ءوتۋ جاعدايىندا كومەكتەسەدى. تاماقتى شايىپ، اسقا قوسۋعا بولادى. تۇزدى ۆانناعا دا جاقسى. پىكىرگە قالدىرىڭىز. ءوزىمىز سىزگە جازامىز. ون شەلەك قانا قالدى" دەلىنگەن جەلىدەگى پاراقشالاردىڭ بىرىندەگى حابارلامادا.

بۇعان دەيىن ەكولوگيا، گەولوگيا جانە تابيعي رەسۋرستار مينيسترلىگى كوبەيتۇزدىڭ لاستانىپ، ول جاقتان تۇزدىڭ تيەلىپ اكەتىلۋىنە بايلانىستى الاڭداۋشىلىق بىلدىرگەن بولاتىن.

– جاڭا عانا ءبىز كوبەيتۇز كولىنە كەلدىك. ق ر ەگترم ەكولوگيا، گەولوگيا جانە تابيعي رەسۋرستار كوميتەتىنىڭ ءتوراعاسى زۇلفىحار جولداسوۆ باستاعان مينيسترلىكتىڭ ماماندارىنان قۇرالعان توپ قاجەتتى جۇمىستاردى اتقارىپ جاتىر. ءتيىستى شارالار قابىلدانىپ جاتىر. سونىمەن بىرگە، ەكولوگتار سۋدىڭ ساپاسى تەكسەرۋ ءۇشىن سىناماسىن الدى،– دەپ جازدى الەۋمەتتىك جەلىدە مينيسترلىكتىڭ باسپا ءسوز حاتشىسى.