ايمان مامەدالييەۆا 2019 جىلدان بەرى وتباسىمەن بىرگە ورتالىق افريكا رەسپۋبليكاسىندا (وار) تۇرادى. جەرگىلىكتى مەكتەپتە ءتىل مامانى. قامشى ءتىلشىسى مامەدالييەۆامەن الەۋمەتتىك جەلى ارقىلى سويلەسىپ، وار-داعى ءومىر تۋرالى سۇرادى.
ايمان مامەدالييەۆا ورتالىق افريكا رەسپۋبليكاسىنىڭ استاناسى بانگي قالاسىندا تۇرىپ جاتىر. ءوزىنىڭ سوزىنشە، شەتەلگە شىعىپ تاجىريبە الماسۋ – جولداسىنىڭ ارمانى بولعان.
مامەدالييەۆانىڭ پىكىرىنشە، ەكى ەلدى سالىستىرۋعا مۇلدە كەلمەيدى.
– بىرىنشىدەن، مۇندا قازاقستانداعىداي ءزاۋلىم عيماراتتار جوق. سونداي-اق بالالارعا ارنالعان ويىن ورتالىقتارىن دا تاپپايسىز. مادەنيەت وشاقتارى (كينوزال، تەاتر، ت.ب.) دا جوقتىڭ قاسى. ەكىنشىدەن، تاعامداردا ۇلكەن ايىرماشىلىق بار. ءوندىرىس سەحتارىنىڭ جوقتىعىنان بارلىق ءونىم سىرتتان ەكسپورتتالادى. ۇشىنشىدەن، ينتەرنەت قىمبات، بايلانىس ناشار. تورتىنشىدەن، بۇل ەل حالقى كەدەي. الەمدەگى ەڭ كەدەي ەلدەردىڭ قاتارىندا بولعاندىقتان، حالىق تۇرمىسى اۋىر ءارى ايانىشتى. بەسىنشىدەن، بۇل ەلدىڭ تابيعاتتى قازاقستاندىكىنەن ەرەكشە. ءقازىر قىس ماۋسىمى سانالاتىندىقتان، اۋا سالقىن، جاۋىن كوپ جاۋادى. ءبىز ءتورت مەزگىلدى ءبىلىپ وستىك، ال مۇندا مەزگىل التاۋ، – دەيدى ايمان.
"بىزگە بەيمالىم بانگي"
افريكا تۋرالى Instagram پاراقشاسىندا قىزىقتى جازبالار جازىپ جۇرگەن قازاق قىزى جاقىندا "بىزگە بەيمالىم بانگي" اتتى كىتاپ جازىپ، 8 شىلدە كۇنى تۇساۋكەسەرىن وتكىزدى. ءوزىنىڭ ايتۋىنشا، كىتاپتى وقىعان وقىرمان وار-عا ساياحات جاساپ قايتقانداي بولادى.
ونىڭ ايتۋىنشا، ءوزى تۇرىپ جاتقان بانگي قالاسىنىڭ ادامدارى ناسىلگە بولىنبەيدى.
كوروناۆيرۋس سالقىنى
جىل باسىنان بەرى دۇنيەجۇزىن دۇربەلەڭگە سالعان كوروناۆيرۋس ىندەتى ايمان تۇراتىن وار-دى دا اينالىپ وتپەگەن.
ول قازاقستاندى، تۋعان-تۋىستارىن ساعىنعانىن، ءبىراق پاندەميا سالدارىنان ەلگە جەتە الماي وتىرعاندارىن ايتتى.
– ءار ەلدىڭ سالتى باسقا، يتتەرى قارا قاسقا دەمەكشى، جەرگىلىكتى ادامداردىڭ ءوز ءسالت-داستۇرى مەن ءومىر ءسۇرۋ داعدىلارى بار. ءبىزدىڭ ءومىر ءسۇرۋ داعدىمىزعا ۇقسامايدى. ەلگە بارىپ تۋعان-تۋىستى كورىپ، ارقا-جارقا بولعانعا نە جەتسىن. بالالار دا اۋىلدى ساعىنىپ قالدى. الەمدە ءورشىپ تۇرعان پاندەميانىڭ سالدارىنان اۋە جولدارى توقتاپ تۇرعاندىقتان، ازىرشە ساعىنىشىمىزدى باسىپ، شىداپ ءجۇرمىز، – دەدى ايمان اڭگىمە سوڭىندا.
پىكىر قالدىرۋ