الماتى وبلىسى قاراساي اۋدانىندا 58 مىڭ 390 جاس بار. ول تۇرعىندار سانىنىڭ ۇشتەن ءبىر بولىگىن قۇرايدى. 500 ەرىكتى جاس وزدەرى قۇرعان جوسپار بويىنشا جۇمىس جۇرگىزىپ كەلەدى. اۋداننىڭ ۇزدىك ەرىكتىسى ءاليا ساتپايەۆا ەرىكتى جاستاردىڭ باسىن قوسىپ، قاراسايلىق جاستاردى يگى ىسكە جۇمىلدىرۋدا.
«مەيىرىمدى جەتىسۋ» رەسپۋبليكالىق اكسياسى بويىنشا قاراساي اۋدانىنىڭ الەۋمەتتىك تۇرمىس جاعدايى تومەن 875 وتباسىنا كومەك كورسەتىلدى. اتالعان وتباسىلارىنا قاجەتتى زاتتاردى الۋعا «نۇر وتان» پارتياسىنىڭ فيليالى، «جاستار رەسۋرستىق ورتالىعى» جانە اۋدان ەرىكتىلەرى «اپورت» ساۋدا ورتالىعى، «ماگنۋم»، «ءساتتى» سۋپەرماركەتتەرى، «ەفەس قازاقستان» سىرا زاۋىتى، «اقساي نان» توقاش كومبيناتى دەمەۋشىلىك كورسەتتى. شىنى كەرەك، كوروناۆيرۋستان قورعانۋ كەزىندە مەديسينالىق بەتپەردەلەر تاپشىلىعى سەزىلگەنى راس. سول سەبەپتى قاراسايلىق ەرىكتىلەر اۋدان، اۋىلدى جەردەگى دۇكەندەرگە جەرگىلىكتى حالىق تەگىن الۋى ءۇشىن 3 مىڭ مەديسينالىق بەتپەردە تاراتتى. ودان بولەك جاستار بلوك-بەكەتتە قىزمەت ەتكەن قىزمەتكەرلەردى دە مەديسينالىق بەتپەردەمەن قامتاماسىز ەتتى.
ەرىكتى بولۋ – ەرلىكپەن تەڭ. ەرىكتىلەردىڭ قايىرىمدىلىعى اۋدان تۇرعىندارى ءۇشىن ۇلكەن كومەك بولدى. بۇل ەرىكتىلەردىڭ بەلسەندىلىگى. ءاربىر قازاقستاندىقتىڭ بويىندا بەلسەندى ءومىر سۇرۋگە داعدى قالىپتاسسا الىنبايتىن اسۋ جوق.
ايدار قالييەۆ
الماتى وبلىسى
